అక్క భర్తతో పెళ్లికి ఒప్పుకోని చెల్లెలు.. పక్కా ప్లాన్‌తో బావ ఘాతుకం.. చిత్తూరులో దారుణం

అక్కని పెళ్లి చేసుకుని చెల్లెలిపై కన్నేశాడో ప్రబుద్ధుడు. పెళ్లి చేసుకోవాలంటూ వేధింపులకు దిగాడు. అందుకు ఆమె ఒప్పుకోలేదని ఆగ్రహం పెంచుకున్నాడు. అక్కని పుట్టింట్లో వదిలేశాడు. ఈలోగా మరదలికి పెళ్లి సంబంధం కుదిరిందని తెలిసి దారుణానికి ఒడిగట్టాడు. తనను కాదని మరో పెళ్లికి సిద్ధమైన మరదలిని అంతం చేయాలన్న పంతంతో అర్ధరాత్రి వేళ అమానుష చర్యకు పాల్పడ్డాడు. ఇంట్లో కుక్కలు అరవకుండా వాటికి విషం పెట్టి మరీ.. నిద్రపోతున్న మరదలిపై పెట్రోల్ పోసి నిప్పంటించాడు. ఏపీలో జరిగిన ఈ దారుణ ఘటన వివరాలు.. జిల్లాలో యువతిపై పెట్రోల్ పోసి నిప్పంటించిన కేసులో షాకింగ్ నిజాలు వెలుగులోకి వస్తున్నాయి. మరదలిపై కన్నేసిన బావ ఈ ఘాతుకానికి పాల్పడినట్లు పోలీసు విచారణలో తేలింది. ములకలచెర్వు మండలం గట్టుకిందపల్లెకి చెందిన కదిరి శివన్న, నరసమ్మ దంపతులకు ముగ్గురు కూతుళ్లు సంతానం. రెండో కుమార్తె మాధవిని కర్ణాటకలోని బేళూరుకి చెందిన వెంకటేష్‌కిచ్చి 9 ఏళ్ల కిందట వివాహం జరిపించారు. ఒక బాబు కూడా పుట్టాడు. మాధవి చెల్లెలు సుమతి మదనపల్లెలోని ఓ ప్రైవేటు ఆస్పత్రిలో నర్సుగా పనిచేస్తోంది. ఆమెపై కన్నేసిన బావ తనను పెళ్లి చేసుకోవాలంటూ వేధించడం మొదలుపెట్టాడు. ఆమెను ఎలాగైనా లొంగదీసుకోవాలని ప్రయత్నించాడు. దీంతో ఆమె గతంలో ఒకసారి ఆత్మహత్యాయత్నం కూడా చేసింది. అయినా కీచకుడు ఆమెను వదల్లేదు. ఇటీవల ఆమె కుటుంబ సభ్యులు మరొకరితో ఆమెకు వివాహం నిశ్చయించారు. మరో వారంలో ఆమె పెళ్లి జరగాల్సి ఉంది. ఆ విషయం తెలుసుకున్న వెంకటేష్ ఆగ్రహం చెందాడు. తన భార్యాబిడ్డలను ఆమె పుట్టింట్లోనే వదిలేసి వెళ్లిపోయాడు. తనను కాదని మరొకరితో పెళ్లి సంబంధం కుదిర్చారని కోపంతో రగిలిపోయాడు. ఎలాగైనా మరదలిని అంతమొందించాలని నిర్ణయించుకున్నాడు. అందుకోసం పక్కా ప్లాన్ రచించాడు. అర్ధరాత్రి వేళ ఇంటి కుక్కలు అరిచే ప్రమాదం ఉందని విషం కలిపిన అన్నం తెచ్చి ఇంటి చుట్టూ చల్లాడు. అవి తిన్న కుక్కలు, ఒక పిల్లి చనిపోయాయి. Also Read: అనంతరం అర్ధరాత్రి 3 గంటల సమయంలో నిద్రిస్తున్న సుమతిపై పెట్రోల్ పోసి నిప్పంటించాడు. మంటలు వ్యాపించడంతో ఆమె కేకలు విని కుటుంబ సభ్యులు, స్థానికులు వచ్చి మంటలను ఆర్పివేశారు. వెంటనే ఆమెను మదనపల్లె ఆస్పత్రికి తరలించారు. ఆమె పరిస్థితి విషమంగా ఉండడంతో అక్కడి నుంచి తిరుపతికి తీసుకెళ్లారు. సమాచారం అందుకున్న పోలీసులు సంఘటన స్థలానికి చేరుకుని విచారణ జరిపారు. కేసు నమోదు చేసి దర్యాప్తు చేపట్టారు. Read Also:

By December 18, 2020 at 10:10AM

Read More https://telugu.samayam.com/latest-news/crime/shocking-facts-revealed-in-chittoor-girl-murder-attempt/articleshow/79790631.cms