రెండు డోస్‌ల టీకాతో మెరుగైన వ్యాధినిరోధకత.. ఆక్స్‌ఫర్డ్ కీలక ప్రకటన
ఆక్స్‌ఫర్డ్- ఆస్ట్రాజెన్‌కా సంయుక్తంగా అభివృద్ధి చేసిన రెండు డోస్‌ల టీకా మెరుగైన రోగనిరోధకత ప్రతిస్పందన చూపుతోందని గురువారం ప్రకటించింది. తాము అభివృద్ధి చేసిన వ్యాక్సిన్ డోస్‌లను తీసుకున్న వారిలో కరోనా వైరస్‌ను నిలువరించే వ్యాధినిరోధక శక్తి భారీగా పెరిగిందని ఆక్స్‌ఫర్డ్ ప్రకటించిన కొద్ది రోజుల తరువాత.. పలు ప్రశ్నలు ఉత్పన్నమైన విషయం తెలిసిందే. ఒక్క డోస్ తీసుకున్న వారిలో 90 శాతం ప్రభావవంతం, రెండు డోస్‌లు పొందిన వారిలో 62 శాతం ప్రభావవంతం చూపినట్టు ప్రకటించడంతో గందరగోళం నెలకుంది. ఫలితాల నివేదికపై సందేహాలు వ్యక్తం కావడంతో దీనిపై దృష్టిసారించిన ఆక్స్‌ఫర్డ్.. తాజాగా రెండో దశ క్లినికల్ ట్రయల్స్ ఫలితాలను వెల్లడించింది. రెండు మోతాదుల టీకాతో పోల్చితే, ఒక్క డోసు అధిక సామర్థ్యాన్ని చూపించినట్టు చివరి దశ ట్రయల్స్ మధ్యంతర ఫలితాలను ప్రచురించింది.. అయినప్పటికీ వీటిని ధ్రువీకరించడానికి ఎక్కువ పని చేయాల్సి ఉంది. గురువారం విడుదల చేసిన ఫేజ్ I / II క్లినికల్ ట్రయల్స్ ఫలితాలలో సగం డోస్ / పూర్తి డోస్ గురించి ప్రస్తావించలేదు. ఇది ‘ప్రణాళికబద్ధం కాదు’కానీ, రెగ్యులేటరీ ఆమోదించిందని పేర్కొంది. తొలిదశ ట్రయల్స్‌లో రెండు డోస్‌ల టీకాను పరీక్షించినట్టు పేర్కొన్న ఆక్స్‌ఫర్డ్.. పూర్తి-డోస్ / పూర్తి డోస్, పూర్తి-డోస్ / సగం డోస్ వేర్వేరుగా పరీక్షించినట్టు తెలిపింది. ‘టీకా బూస్టర్ డోస్ ఒకే డోస్ కంటే బలమైన వ్యాధినిరోధక ప్రతిస్పందనను ప్రేరేపించింది.. ప్రామాణిక డోస్ సరైన ప్రతిస్పందనను ప్రేరేపిస్తుంది’ ఆక్స్‌ఫర్డ్ వర్సిటీ ఒక ప్రకటనలో తెలిపింది. టీకా విస్తృత యాంటీబాడీ, టీసెల్ ఫంక్షన్లను ప్రేరేపిస్తుంది అని రెండో దశ క్లినికల్ ట్రయల్స్ డేటాను ప్రచురించిన తరువాత తెలిపింది. అయితే, తయారీ ప్రక్రియలో తప్పు జరిగిపోయిందని, అందువల్లే క్లినికల్ ట్రయల్స్‌లో ప్రాథమిక ఫలితాలు పలు రకాల ప్రశ్నలను ఉత్పన్నమయ్యేలా చేశాయని ఆ సంస్థ తాజాగా ఓ ప్రకటనలో తెలిపింది.
By December 18, 2020 at 10:16AM
No comments