ప్రయోగాలకు మారుపేరు సమంత.. రూల్స్ బ్రేక్ చేస్తూ అలా! అక్కినేని కోడలి రూటే సపరేటు..
అక్కినేని కోడలు, స్టార్ హీరోయిన్ తన రూటే సపరేటు అన్నట్లుగా దూసుకుపోతోంది. నాగ చైతన్యను ప్రేమించి పెళ్లాడిన ఈ ముద్దుగుమ్మ.. పెళ్లి తర్వాత అనూహ్యంగా జోష్ పెంచేసింది. ఒక్క సినీ ఇండస్ట్రీనే కాదు పలు రంగాల్లో సత్తా చాటేందుకు ప్రయత్నాలు మొదలుపెట్టింది. ఇప్పటికే 'సాకి' పేరుతో దుస్తుల వ్యాపారం స్టార్ట్ చేసిన ఆమె.. జూబ్లీ హిల్స్‌లో 'ఏకమ్' అనే ప్రీ స్కూల్‌లో భాగస్వామ్యం తీసుకుంది. ఇదంతా ఓ వైపు అయితే సినీ రంగంలోనూ సరికొత్తగా అడుగులేస్తూ సరికొత్తగా తనను తాను ప్రూవ్ చేసుకుంటోంది. ఈ నేపథ్యంలో డిజిటల్ మాద్యమాలపై కన్నేసి డిజిటల్ వ‌ర‌ల్డ్‌ లోకి అడుగుపెట్టింది సామ్. ఆమె న‌టిస్తున్న తొలి వెబ్ సిరీస్ `ఫ్యామిలీ మ్యాన్ 2`. అమెజాన్ ప్రైమ్ వీడియోస్ రూపొందిస్తున్న ఈ వెబ్ సీరీస్‌లో నెగటివ్ షేడ్స్‌తో కూడిన పాత్ర చేస్తోంది సమంత. మ‌నోజ్ బాజ్‌పాయ్‌, ప్రియ‌మ‌ణి కీల‌క పాత్ర‌ల్లో న‌టిస్తున్నారు. రాజ్ ఎన్ డీకే తెర‌కెక్కిస్తున్నారు. అయితే ఈ వెబ్ సిరీస్ కోసం మరో ప్రయోగం చేస్తోందట అక్కినేని కోడలు. సొంతంగా తనకు తానే డబ్బింగ్ చెప్పుకుంటోందట. వివిధ భారతీయ భాషల్లో రూపొందుతున్న ఈ వెబ్ సిరీస్‌లో సమంత సొంత వాయిస్ స్పెషల్ అట్రాక్షన్ కానుందని తెలుస్తుండటం ఆమె అభిమానులను ఆనందంలో ముంచెత్తుతోంది. గతంలో సమంతకు చిన్మయి డబ్బింగ్ చెప్పేది. సామ్ అందం, అభినయానికి చిన్మయి వాయిస్ కూడా సరిగ్గా యాప్ట్ కావడంతో వెండితెరపై సమంత ముద్దు ముద్దు మాటలకు మంచి డిమాండ్ ఏర్పడింది. అయితే ఆ మాటలు ఇప్పుడు సొంతంగా సమంతనే చెప్పనుండటం మరింత ఆసక్తికరంగా మారింది. ఏదేమైనా సరే.. సమంత మాత్రం ప్రయోగాలకు మారుపేరు అవుతోందని చెప్పుకోవచ్చు. Also Read: ఇకపోతే ఈ `ఫ్యామిలీ మ్యాన్ 2` వెబ్ సిరీస్ కోసం ఎన్నో రూల్స్‌ని బ్రేక్ చేశానని గత ఇంటర్వ్యూలో స్వయంగా వెల్లడించింది సమంత. ఈ సిరీస్‌లో చాలా ప్రయోగాలు చేశానని, అవన్నీ చాలా ఎక్స్‌ట్రీమ్‌గా మరింత కొత్త‌గా ఉంటాయని చెప్పింది. వచ్చే నెలలో ఈ వెబ్ సిరీస్ ప్రేక్షకుల ముందుకు రానుంది.
By December 06, 2020 at 12:16PM
No comments