జైలు శిక్ష పడిన నేతలపై జీవితకాల నిషేధానికి వ్యతిరేకం.. సుప్రీంలో కేంద్రం అఫిడ్‌విట్
తీవ్రమైన నైరాల్లో దోషులుగా తేలిన రాజకీయ నేతలను ఎన్నికల్లో పోటీచేయకుండా జీవితకాలం నిషేధించాలన్న అభ్యర్థనను కేంద్రం వ్యతిరేకించింది. ఈ మేరకు సుప్రీంకోర్టులో అఫిడ్‌విట్ దాఖలు చేసింది. బీజేపీ నేత, న్యాయవాది దాఖలు చేసిన ప్రజా ప్రయోజనం వ్యాజ్యంపై కేంద్రం తన అభిప్రాయాన్ని గురువారం తెలియజేసింది. తీవ్రమైన నేరాలకు పాల్పడి, దోషులుగా తేలిన నేతలను ప్రస్తుతం ఆరేళ్ల పాటు ఎన్నికల్లో పోటీచేయకుండా నిషేధిస్తున్న విషయం తెలిసిందే. దీనిని మార్చాలని, జీవితకాలం అనర్హులుగా ప్రకటించాలని అశ్వనీ కుమార్ కోరారు. ఈ పిల్‌పై విచారణ జరుపుతోన్న జస్టిస్ ఎన్వీ రమణ, జస్టిస్ సూర్యకాంత్‌, జస్టిస్ అనిరుద్ధబోస్‌లతో కూడిన త్రిసభ్య ధర్మాసనం.. కేంద్రం వైఖరి తెలియజేయాలని కోరింది. అధికారులు, న్యాయవ్యవస్థలోని వారు తప్పుచేసి దోషిగా తేలితే వారిని జీవితాంతం ఆయా ఉద్యోగాలకు అనర్హులుగా పరిగణిస్తున్నట్టు రాజకీయ నేతలపై కూడా నిషేధం విధించాలని అశ్వినీకుమార్‌ తన పిల్‌లో కోరారు. ప్రజాప్రాతినిధ్య చట్టంలోని సెక్షన్‌ 8(3) ప్రకారం రెండేళ్లకు మించి శిక్షపడిన నేతలు జైలు నుంచి విడుదలైనప్పటి నుంచి ఆరేళ్ల వరకు పోటీచేయకూడదన్న నిబంధన ఉంది. అయితే, ఆరేళ్ల స్థానంలో ‘జీవితకాల నిషేధం’ అన్న పదాన్ని చేర్చాలంటూ పిటిషనర్‌ చేసిన తాజా వినతిని తోసిపుచ్చాలని సమర్పించిన అఫిడవిట్‌లో కేంద్ర న్యాయశాఖ పేర్కొంది. ప్రభుత్వ ఉద్యోగులు, న్యాయవ్యవస్థలోని వ్యక్తులకు వర్తించే సర్వీసు నిబంధనలను ప్రజాప్రతినిధులకూ వర్తింపజేయాలనడం సరికాదని అభిప్రాయపడింది. అంతేకాదు, తప్పుచేసిన అందరికీ చట్టం ప్రకారమే శిక్షలు విధిస్తున్నారని, ఇందుకు ఎవరూ అతీతులు కాదని స్పష్టం చేసింది. ప్రజాప్రతినిధులపై జీవితకాల నిషేధాన్ని కోరుతూ అశ్వినీకుమార్‌ దాఖలు చేసిన వ్యాజ్యకాలీన దరఖాస్తుపై జస్టిస్ కూడిన ధర్మాసనం కేంద్ర ప్రభుత్వ స్పందన కోరడంతో న్యాయశాఖ ఈమేరకు అఫిడవిట్‌ దాఖలు చేసింది. ఉండటం చేదు నిజం.. ఇది ప్రజాస్వామ్యానికి విఘాతం అయినప్పటికీ చట్టాన్ని చేయలేం అని పేర్కొంది. అయితే, కేంద్రం వైఖరికి భిన్నంగా ఎన్నికల కమిషన్ గతంలో స్పందించింది. తీవ్రమైన నేరాలకు పాల్పడిన ప్రజాప్రతినిధులు దోషిగా తేలితే జీవితకాలం నిషేధం విధించాలన్న అంశానికి మద్దతు తెలిపింది.
By December 04, 2020 at 06:53AM
No comments