ఈ ఏడాదిని ఎలా ముగించామన్నదే ముఖ్యం: రామ్‌చరణ్

‘2020 ఏడాదిని ఎవ్వరం మర్చిపోలేం. అందరం చాలా కష్టాలు పడ్డాం. ఇప్పుడు చిత్ర పరిశ్రమ మళ్లీ తన కాళ్లపై నిలబడింది. ఈ నెల 25న ‘షూటౌట్‌ ఎట్‌ ఆలేరు’తో మంచి ముగింపు ఇస్తామని కోరుకుంటున్నా’.. అన్నారు మెగాపవర్‌స్టార్ . చిరంజీవి కూతురు సుస్మిత తన భర్త విష్ణుతో కలసి గోల్డ్‌ బాక్స్‌ ఎంటర్‌టైన్‌మెంట్స్‌ ప్రొడక్షన్‌ బ్యానర్‌‌పై తొలిసారి నిర్మించిన ‘షూటౌట్‌ ఎట్‌ ఆలేర్‌’ వెబ్‌సిరీస్‌ ఈ నెల 25 నుంచి జీ 5 ఓటీటీలో స్ట్రీమ్‌ కానుంది. ‘ఓయ్‌’ ఫేం ఆనంద్‌ రంగా దర్శకత్వంలో తెరకెక్కిన ఈ వెబ్‌ సిరీస్‌లో శ్రీకాంత్‌, ప్రకాష్‌రాజ్‌, తేజ, నందినిరాయ్‌ కీలక పాత్రల్లో నటించారు. పోలీసులు, నేరస్థుల జీవితాల్లోని యదార్థ సంఘటనలను ఆధారంగా తెరకెక్కించిన దీన్ని తెరకెక్కించారు. ఈ నేపథ్యంలో మంగళవారం హైదరాబాద్‌లో రామ్‌చరణ్‌ చేతుల మీదుగా స్పెషల్‌ షో రీల్‌ను విడుదల చేశారు. Also Read: ఈ సందర్భంగా రామ్‌చరణ్ మాట్లాడుతూ.. ‘కరోనా-లాక్‌డౌన్‌ తర్వాత ఈ కార్యక్రమం ద్వారా మీడియా మిత్రులను కలుసుకున్నందుకు సంతోషంగా ఉంది. ఎలా మొదలెట్టాం అన్నది కాదు, ఎలా ముగించాం అన్నదే ముఖ్యం. ఇప్పటి నుంచి అంతా కొత్తగా ప్రారంభమవ్వాలని కోరుకుంటున్నా. ఈ వెబ్‌సిరీస్‌ విశేషాలను నాన్న గారి ద్వారా ఎప్పటికప్పుడు తెలుసుకుంటున్నాను. దర్శకుడు ఆనంద్‌ రంగా అద్భుతంగా తెరకెక్కించాడు. ఈ వెబ్‌సిరీస్‌ విజయవంతం అవ్వాలని కోరుకుంటున్నాను. నాన్న పరిశ్రమలో ప్రయాణం ప్రారంభించినప్పటి నుంచి మా కుటుంబం ఎన్నో ప్రయోగాలు, ప్రయత్నాలు చేస్తూ వచ్చింది. ఈ కొత్త ఓటీటీలో సుష్మిత ఫైటర్‌ అని చెప్పగలను. తనే నాకు పెద్ద సపోర్ట్‌. అక్క, బావ.. ఆనంద్‌ రంగాతో ఈ సిరీస్‌ తెరకెక్కించడం సంతోషంగా ఉంది. కొవిడ్‌ టైంలో అందరూ ఎంతో కష్టపడి చేశారు. ఈ వెబ్‌సిరీస్‌తో అందరికీ మంచి పేరు రావాలని కోరుకుంటున్నాను. సుస్మిత, టీమ్‌ ఆలేర్‌కు నా విషెస్‌’ అని రామ్‌చరణ్ పేర్కొన్నారు.

By December 23, 2020 at 09:16AM

Read More https://telugu.samayam.com/telugu-movies/cinema-news/hero-ram-charan-launches-shoot-out-at-alair-shoe-reel/articleshow/79911246.cms