బన్నీ లైన్ వేశాడు.. 14 ఏళ్ల వయసులోనే! అల్లు అర్జున్‌పై వనితా విజయ్ కుమార్ కామెంట్స్ వైరల్
గత కొన్ని రోజులుగా సినీ నటి, కోలీవుడ్ విజయ్ కుమార్ డాటర్ నిత్యం వార్తల్లో నిలుస్తోంది. పలు వివాదాలతో ఆమె పేరు మారుమోగుతోంది. సినిమాల కంటే కూడా రోజు ఏదో ఒక వివాదంతో ఆమె ట్రెండ్ అవుతూనే ఉంది. ఇప్పటికే మూడు పెళ్లిళ్లు చేసుకొని భర్తలతో విడిపోవడమే గాక మళ్ళీ ప్రేమలో పడ్డానని ఇటీవలే బాంబ్ పేల్చిన వనిత.. తాజాగా ఓ యూట్యూబ్ ఛానెల్‌కి ఇచ్చిన ఇంటర్వ్యూలో స్టైలిష్ స్టార్ అల్లు అర్జున్ గురించి మాట్లాడుతూ ఆసక్తికర కామెంట్స్ చేసింది. తన కుటుంబ విషయాలు, తండ్రి విజయ్ కుమార్ మోసం చేసిన తీరును బయటపెట్టి సంచలనం సృష్టించిన ఆమె.. అదే ఇంటర్వ్యూలో మెగా ఫ్యామిలీతో తమకున్న అనుబంధం గురించి మాట్లాడింది. చెన్నైలో తెలుగు పరిశ్రమ ఉన్న సమయంలో మెగాస్టార్ చిరంజీవి ఫ్యామిలీతో తమకు చాలా మంచి అనుబంధం ఉండేదని, వాళ్ళింట్లో ఇంట్లో జరిగే ముఖ్యమైన ఫంక్షన్లకు తమ ఫ్యామిలీ మొత్తం వెళ్లే వాళ్లమని చెప్పుకొచ్చింది వనితా విజయ్ కుమార్. కాగా, అదే టైమ్‌లో చిరంజీవి నటించిన ఓ ఇంగ్లీష్ మూవీ ఓపెనింగ్ ఫంక్షన్‌కి తాను వెళ్లగా.. అక్కడే ఉన్న అల్లు అర్జున్ తన వైపు చూస్తూ లైన్ వేశాడని తెలిపి ఆశ్చర్యపరిచింది. అయితే ఆ సమయంలో అల్లు అర్జున్ తనకంటే చిన్నవాడిని, ఆయన వయసు 14 సంవత్సరాలు ఉండొచ్చని చెప్పుకొచ్చింది వనితా విజయ్ కుమార్. కానీ అప్పుడు అతను బన్నీ అని గుర్తించని తనకు.. కొన్ని రోజుల తర్వాత ఆ విషయం అర్థమైందని తెలిపింది. అది జరిగాక చాలా రోజులకు ఆ ఫంక్షన్‌లో తాను వేసుకున్న మ్యాంగో కలర్ డ్రెస్‌ గురించి బన్నీ ఓ ఫోన్ కాల్‌లో ప్రస్తావించడంతో అప్పుడు ఆ కుర్రాడు బన్నీ అని తెలిసిందంటూ ఓపెన్ కామెంట్స్ చేసింది. అదేవిధంగా టాలీవుడ్‌లో బన్నీ సూపర్ డాన్సర్ అని చెప్పిన వనితా విజయ్ కుమార్.. ఛాన్స్ దొరికితే ఆయనతో కలిసి నటిస్తానని మనసులో మాట చెప్పింది. అల్లు అర్జున్‌కు అత్తగా నటించాలని ఉందని తెలిపింది. ఏ పార్టీ జరిగినా బన్నీ బుట్టబొమ్మ పాటకు స్టెప్పులేస్తూ ఎంజాయ్ చేస్తుంటామని చెప్పింది. దీంతో ఆమె చేసిన ఈ వ్యాఖ్యలు సోషల్ మీడియాలో ట్రెండింగ్ అవుతున్నాయి.
By December 25, 2020 at 01:51PM
No comments