అలీబాగ్ నుంచి అకస్మాత్తుగా తజోలా జైలుకు అర్ణబ్ గోస్వామి.. కారణం ఇదే
ఇంటీరియర్ డిజైనర్ అన్వయ్ నాయక్, ఆయన తల్లి కుముంద్ ఆత్మహత్య కేసులో అరెస్టయిన చీఫ్ ఎడిటర్ ప్రస్తుతం జ్యుడీషియల్ కస్టడీలో ఉన్న విషయం తెలిసిందే. అయితే, అలీబాగ్ క్వారంటైన్ కేంద్రంలో ఉన్న ఆయనను ఆదివారం ఉదయం తలోజా జైలుకు తరలించారు. జ్యుడీషియల్ కస్టడీలో ఉంటూ మొబైల్ ఫోన్ను వినియోగించడంతోనే తలోజా జైలుకు ఆయనను తరలించినట్టు పోలీసులు తెలిపారు. సోషల్ మీడియాలో ఆయన యాక్టివ్గా ఉన్నట్టు గుర్తించామని పేర్కొన్నారు. ఈ కేసులో అర్ణబ్ గోస్వామి సహా మరో ఇద్దర్ని పోలీసులు అదుపులో తీసుకున్నారు. కిందట బుధవారం నాటకీయ పరిణామాల మధ్య అరెస్టయిన గోస్వామి.. నాలుగు రోజులు అలీబాగ్ క్వారంటైన్ కేంద్రంలో నాలుగు రోజుల పాటు ఉన్నారు. ఆయనకు నిర్వహించిన కరోనా పరీక్షల్లో నెగెటివ్ రావడంతో తలోజా జైలుకు తరలించారు. ఓ వ్యక్తి మొబైల్ ఫోన్ను ఉపయోగించిన అర్ణబ్ సోషల్ మీడియాలో యాక్టివ్గా ఉన్నట్టు శుక్రవారం రాత్రి గుర్తించామని రాయగఢ్ క్రైం బ్రాంచ్ ఇన్స్పెక్టర్ జమిల్ షేక్ అన్నారు. అయితే, పోలీసులు ఆరోపిస్తున్నట్టు అరెస్ట్ తర్వాత గోస్వామి సోషల్ మీడియాలో ఎటువంటి పోస్ట్లు పెట్టలేదని రిపబ్లిక్ టీవీ తోసిపుచ్చింది. ఆయనను అరెస్ట్ చేసిన రోజే వ్యక్తిగత మొబైల్ ఫోన్ను పోలీసులు స్వాధీనం చేసుకున్నారు. అలీబాగ్ జైలు అధికారుల ఆధ్వర్యంలో నడిచే క్వారంటైన్ కేంద్రంలో ఉన్న నిందితుడు అర్ణబ్కు మొబైల్ ఎక్కడ నుంచి వచ్చిందో నివేదిక కోరుతూ జైలు సూపరింటిండెంట్కు విచారణాధికారిగా ఓ లేఖ రాయనున్నామని షేక్ తెలిపారు. ఆదివారం ఉదయం 9.30 గంటల సమయంలో భద్రత మధ్య తలోజా జైలుకు అర్ణబ్ను తరలించారు. ఈ సమయంలో తనపై అలీబాగ్ జైలర్ చేయి చేసుకున్నారని అర్ణబ్ గట్టిగా అరుస్తూ ఆరోపణలు చేశారు. తన ప్రాణాలకు ప్రమాదం ఏర్పడింది.. తనకు సహాయం చేయాలని కోర్టుకు చెప్పాలని అన్నారు. అలాగే, నా లాయర్తో మాట్లాడాలని ఆయన వ్యాఖ్యానించారు. అర్ణబ్ ఆరోపణలను తలోజా జైలు సూపరింటిండెంట్ అబాసాహెబ్ పాటిల్ ఖండించారు. కావాలంటే అక్కడ సీసీటీవీ ఫుటేజ్లను చూసుకోవాలని, అర్ణబ్ నిరాధారమైన ఆరోపణలు చేస్తున్నారని అన్నారు. ఒకవేళ అలీబాగ్ జైల్లోనే ఉంటే ఆయనకు మొబైల్ అందుతుందని, తలోజా జైలుకు తరలించడానికి అనుమతించాలని ఉన్నతాధికారులను కోరినట్టు ఇన్స్పెక్టర్ షైక్ పేర్కొన్నారు.
By November 09, 2020 at 09:20AM
No comments