Breaking News

నగరాల్లోని మురికివాడల్లో ఉద్ధృతంగా కరోనా.. ఆగస్టుకి 7.4 కోట్ల మందికి వైరస్: ఐసీఎంఆర్ సర్వే


దేశ జనాభాలో దాదాపు 7 శాతం మంది ఆగస్టు నాటికి బారినపడ్డారని ఐసీఎంఆర్ చేపట్టిన రెండో జాతీయ సెరో సర్వేలో వెల్లడయ్యింది. పదేళ్లు, ఆపై వయసు పైబడినవారిలో 74.3 మిలియన్ల మంది ఆగస్టు నాటికి కోవిడ్-19 బారినపడ్డారని సర్వే పేర్కొంది. సెరోప్రివెలెన్స్ అత్యధికంగా పట్టణాల్లోని మురికివాడల్లోనూ, తర్వాత నాన్-స్లమ్, గ్రామీణ ప్రాంతాలు ఉన్నాయి. లాన్సెట్ గ్లోబల్ హెల్త్ ప్రీ-ప్రింట్‌లో ప్రచురించిన ఫలితాల ప్రకారం.. దేశంలో మొత్తం 10 శాతం కంటే తక్కువ మందిలో సెరోప్రెవలెన్స్ ఉందని, జనాభాలో ఎక్కువ భాగం కరోనా వైరస్‌కు గురయ్యే అవకాశం ఉందని సూచిస్తుంది. సహజ ఇన్ఫెక్షన్ లేదా టీకాలు వేయడం ద్వారా హెర్డ్ ఇమ్యూనిటీ సాధించే వరకు చాలా రాష్ట్రాల్లో మహమ్మారి వ్యాప్తి కొనసాగుతుందని భావిస్తున్నారు.. అయితే, విషయం గురించి పూర్తిగా తెలియకపోయినా 50 శాతంగా ఉంటుందని అంచనా వేస్తున్నారు. గతంలో ఎటువంటి కోవిడ్ లక్షణాలు బయటపడని ప్రతి తొమ్మిది మందిలో ఒకరు సార్స్-కోవి-2 యాంటీబాడీలు కలిగి ఉన్నారని, ఇది దేశంలోని సాధారణ జనాభాలో అసిమ్టమాక్ లక్షణాలను సూచిస్తుందని పేర్కొంది. కోవిడ్-19 కేసులతో సంబంధంలేని వ్యక్తులు, సార్స్-కోవి-2 పరీక్షలు చేయించుకోనివారిలో కరోనా యాంటీబాడీలు గుర్తించారు. కరోనా లక్షాలు బయటపడని వ్యక్తులను పరీక్షించడానికి వ్యూహాల విస్తరణకు మా డేటా మద్దతు ఇస్తుంది.. సిరోపాజిటివ్ వ్యక్తులలో కేవలం 3 శాతం మంది మాత్రమే కోవిడ్-19 లక్షణాల నిర్దేశిత పరిమితులు, సార్వత్రిక నివారణ పద్ధతుల ప్రాముఖ్యతను ఎత్తిచూపారని నివేదిక పేర్కొంది. ‘పదేళ్లు, ఆపై వయసు కలిగిన దాదాపు ప్రతి 15 మందిలో ఒకరు ఆగస్టు నాటికి కోవిడ్ బారినపడ్డారు.. మే నుంచి ఆగస్టు మధ్య యువతలో సెరోప్రివిలెన్స్ 10 రెట్లు పెరిగింది.. అయితే, మే నెలతో పోల్చితే ఆగస్టు నాటికి సంక్రమణ నిష్పత్తి తక్కువగా ఉంది.. దేశవ్యాప్తంగా టెస్టింగ్ సామర్ధ్యం పెరగడమే దీనికి కారణం’ అని వ్యాఖ్యానించింది. అలాగే, 2020 ఆగస్టులో నిర్ధారణ అయిన కేసులో 26–32 ఉంటే, మేలో 82-131 వరకు ఉన్నాయి. తొలి దశ సెరోసర్వే నిర్వహించినప్పుడు పరీక్షల పెరుగుదల పరిణామాలు వ్యాధి పెరుగుదలను మించిపోయింది. సాధారణ ప్రాంతాల (17.4)తో పోల్చితే ముంబయి మురికివాడల్లో కోవిడ్ వ్యాధినిరోధకత (57.8 శాతం) చాలా ఎక్కువగా ఉంది. పట్టణ ప్రాంతాల్లో ముఖ్యంగా మురికివాడల్లో అధిక జనాభా సాంద్రతతో పాటు భౌతికదూరం, చేతులు శుభ్రం చేసుకోవడంలో సవాళ్లు వైరస్ వ్యాప్తికి ప్రధాన కారణం. తొలి దశ సర్వేకు విరుద్దంగా ఈ ఫలితాలు గ్రామీణ జనాభాలోనూ మహమ్మారి ప్రసారాన్ని సూచిస్తున్నాయి అని నివేదిక పేర్కొంది. ‘రాబోయే నెలల్లో గ్రామీణ ప్రాంతాల్లో వైరస్ వ్యాప్తి మరింత పెరుగుతుంది.. వైద్యఆరోగ్య సౌకర్యాలు కల్పించాల్సిన అవసరాన్ని నొక్కిచెప్పింది.. ఇది కేసుల సమర్థవంతమైన నిర్వహణకు ఆరోగ్య సౌకర్యాలను బలోపేతం చేస్తుంది’ అని ఇది తెలిపింది. SARS-CoV-2కు వ్యతిరేకంగా IgG ప్రతిరోధకాలు పరీక్షించిన 29,082 మందిలో 3,135 మందికి పాజిటివ్‌ వచ్చింది.. అంటే ఇది 10·8 శాతం.. ఆగస్టు 17 నుంచి సెప్టెంబర్ 22 వరకు నిర్వహించిన సర్వేలో 29,082 మంది పాల్గొన్నారు. పదేళ్లు, ఆపై వయసున్న 6.6 శాతం మందికి గతంలో కరోనా వైరస్ సోకినట్టు తేలగా.. పెద్దలలో సెరోప్రివెలెన్స్ 7·1శాతంగా ఉంది.


By November 27, 2020 at 10:10AM


Read More https://telugu.samayam.com/latest-news/india-news/india-had-estimated-74-million-covid-cases-by-august-icmr-sero-survey-report/articleshow/79439954.cms

No comments