విష్ణు ‘మోసగాళ్లు’కు స్పెషల్ అట్రాక్షన్... సీనియర్ హీరోతో వాయిర్ ఓవర్
టాలీవుడ్ ప్రేక్షకులు అత్యంత ఆసక్తిగా ఎదురుచూస్తున్న చిత్రాల్లో మంచు విష్ణు నటిస్తున్న ‘’. కొన్నాళ్లుగా సరైన హిట్ లేకపోయినప్పటికీ విష్ణు ఈ సినిమాతో భారీ హైప్ క్రియేట్ చేస్తున్నాడు. యాక్షన్ థ్రిల్లర్‌ కథాంశంతో తెరకెక్కుతున్న ఈ చిత్రాన్ని తెలుగుతో పాటు తమిళం, మలయాళం, కన్నడ, హిందీ, ఇంగ్లీష్ భాషల్లో నిర్మిస్తున్నాడు. అయితే మంచు విష్ణు తన కెరీర్లో ఎన్నడూ లేని విధంగా ఈ సినిమాకు భారీగా ప్రమోట్ చేస్తున్నారు. ఇటీవలే అల్లు అర్జున్ చేతుల మీదుగా విడుదల చేసిన టీజర్‌కు అద్భుతమైన రెస్పాన్స్ వచ్చింది. తాజాగా ఈ సినిమాకు సంబంధించి ఆసక్తికరమైన అప్‌డేట్ బయటికి వచ్చింది. గతంలో 'మోసగాళ్లు' టైటిల్‌కి థీమ్ మ్యూజిక్‌ను రిలీజ్ చేసిన వెంకటేష్ ఇప్పుడు తన వాయిస్ ఓవర్‌ను అందిస్తున్నారు. ఈ సినిమా ప్రారంభం నుంచి క్లైమాక్స్ వరకు ఆయన నేరేట్ చేయనున్నారు. అటు ఇండస్ట్రీలో, ఇటు ప్రేక్షకుల్లో మంచి బజ్ క్రియేట్ చేస్తున్న ఈ సినిమాకు వెంకటేష్ వాయిస్ ఓవర్ అందించడం మరింత ఆకర్షణ తెచ్చిపెట్టనుంది. జెఫ్రీ గీ చిన్ డైరెక్ట్ చేస్తున్న ఈ మూవీలో విష్ణు సోద‌రిగా టాప్ హీరోయిన్ కాజ‌ల్ అగర్వాల్ క‌నిపించ‌డం విశేషం. విష్ణుకు జోడీగా బాలీవుడ్ భామ రుహీ సింగ్ నటిస్తోంది. బాలీవుడ్ సీనియర్ స్టార్ సునీల్ శెట్టి ఈ చిత్రంతో టాలీవుడ్‌కు ప‌రిచ‌య‌మ‌వుతున్నారు. ఇన్ని ప్రత్యేకతలతో తెరకెక్కుతున్న ‘మోసగాళ్లు’ ఎంత సెన్సేషన్ క్రియేట్ చేస్తుందో చూడాలి. తారాగ‌ణం: విష్ణు మంచు, కాజ‌ల్ అగర్వాల్, సునీల్ శెట్టి, రుహీ సింగ్, న‌వ‌దీప్‌, న‌వీన్ చంద్ర టెక్నికల్ టీమ్: మ్యూజిక్‌: శ్యామ్ సీఎస్‌ సినిమాటోగ్రఫీ: షెల్డన్ చౌ ప్రొడ‌క్షన్ డిజైన్‌: కిర‌ణ్‌కుమార్ ఎం. ఎగ్జిక్యూటివ్ ప్రొడ్యూస‌ర్‌: విజ‌య్‌కుమార్ ఆర్‌. నిర్మాత: విష్ణు మంచు ద‌ర్శక‌త్వం: జెఫ్రీ గీ చిన్
By October 16, 2020 at 11:49AM
No comments