ఎవాయిడ్ టచింగ్ మెన్ అండ్ ఫాలో విమెన్... కరోనా కొత్త రూల్

కట్టడి కోసం ప్రపంచ దేశాలు తీవ్రంగా ప్రయత్నిస్తున్నాయి. కరోనా కేసుల్లో అమెరికా తొలి స్థానంలో ఉండగా.. భారత్ రెండో స్థానంలో ఉంది. బ్రిటన్ లాంటి యూరప్ దేశాల్లో కరోనా సెకండ్ వేవ్ మొదలైంది. దీంతో మరోసారి లాక్ డౌన్ దిశగా బ్రిటన్ యోచిస్తోంది. కరోనాను కట్టడి చేయడం కోసం నిపుణులు అనేక జాగ్రత్తలు సూచిస్తున్న సంగతి తెలిసిందే. మాస్కులు ధరించాలని, అనవసరంగా బయటకు వెళ్లొద్దని.. శానిటైజర్ వాడాలని, భౌతిక దూరం పాటించాలనే సూచనల్ని చాలా మంది మర్చిపోతున్నారు. దీంతో కరోనా సమయంలో తీసుకోవాల్సిన జాగ్రత్తల గురించి అందరూ గుర్తుంచుకునేలా కొత్త రూల్‌ను ఆరోగ్య నిపుణులు తెర మీదకు తీసుకొచ్చారు. Men, Womenకు వీరు సరికొత్త అర్థం చెప్పారు. కరోనా వ్యాప్తిని అరికట్టడం కోసం ఎవాయిడ్ టచింగ్ మెన్ (Avoid touching MEN - Mouth, Nose, Eyes), అండ్ ఫాలో విమెన్ (Follow Women ; W - Wash your hands, O - Obesy social distancing, M - Mask up, E - Exercise and eat well, N - No unnecessary crowding) అని కొత్త రూల్‌ను సూచిస్తున్నారు. ముక్కు, నోరు, కళ్లను తాకొద్దని.. చేతులు కడుక్కోవడం, సోషల్ డిస్టెన్సింగ్ పాటించడం, మాస్కు ధరించడం, ఎక్సర్‌సైజ్ చేసి పుష్టిగా ఆహారం తీసుకోవడం, అనవసరంగా గుమిగూడకపోవడం లాంటివి చేయాలని.. ఎవాయిడ్ టచింగ్ మెన్ అండ్ ఫాలో విమెన్ అనే రూల్‌తో గుర్తుండిపోయేలా చెబుతున్నారు. ముఖ్యంగా యవతకు ఈ రూల్ తేలిగ్గా గుర్తుండే ఛాన్స్ ఉంది. సాధారణంగా ఓ వ్యక్తి తనకు తెలియకుండానే రోజుకు 90 సార్లు చేతులతో తన ముఖాన్ని తాకుతుంటాడు. దీని వల్ల చేతికి అంటుకున్న వైరస్ క్రిములు కళ్లు, ముక్కు, నోటి ద్వారా శరీరంలోకి ప్రవేశించే ప్రమాదం ఉంది. కాబట్టి ఈ అలవాటును మానేయడం ఉత్తమం.

By September 10, 2020 at 06:42AM

Read More https://telugu.samayam.com/latest-news/international-news/aviod-touching-men-follow-women-covid-19-class-rule-becomes-viral/articleshow/78029648.cms