ఎన్ఐఏ అరెస్ట్ చేసిన అల్‌ఖైదా ఉగ్రవాది ఇంట్లో రహస్య గది
దేశంలో భారీ విధ్వంసానికి వ్యూహరచన చేసిన అల్-ఖైదా ఉగ్రవాద సంస్థకు చెందిన తొమ్మిది మందిని కేరళ, పశ్చిమ్ బెంగాల్‌లో జాతీయ దర్యాప్తు సంస్థ (ఎన్ఐఏ) అరెస్ట్ చేసిన విషయం తెలిసిందే. పశ్చిమ బెంగాల్‌లోని ముషీరాబాద్‌లో ఆరుగురు అనుమానితులను అరెస్ట్ చేసిన , ఓ వ్యక్తి ఇంట్లో రహస్య గదిని గుర్తించారు. రాణినగర్ ఏరియాకు చెందిన అబూ సూఫియాన్ అనే వ్యక్తి ఇంట్లో రహస్య గది బయటపడింది. అనుమానితుల ఇళ్లలో సోదాలు నిర్వహిస్తుండగా.. సుఫియాన్ ఇంట్లో 10 అడుగుల పొడవు, 7 అడుగుల వెడల్పు ఉన్న రహస్య గదిని గుర్తించామని ఎన్ఐఏ తెలిపింది. ఈ గదిలో పలు ఎలక్ట్రానిక్ గాడ్జెట్‌లు, బల్బ్ బోర్డ్ తదితరాలు లభించాయని వెల్లడించింది. అయితే, ఈ చాంబర్‌ను సెప్టిక్ ట్యాక్ కోసం తవ్వించినట్టు నిందితుడు సుఫియాన్ భార్య మీడియాకు వెల్లడించడం గమనార్హం. దీని గురించి పోలీసులకు కూడా చెప్పామని ఆమె తెలిపింది. అరెస్ట్ చేసిన అరుగురు నిందితులను ఆదివారం కోల్‌కతాలో విచారించామని ఎన్ఐఏ అధికారులు వెల్లడించారు. పశ్చిమ బెంగాల్, కేరలకు చెందిన 9 మందిని అదుపులోకి తీసుకున్న అధికారులు.. వీరిని ఎన్ఐఏ ప్రత్యేక కోర్టులో హాజరుపరిచారు. న్యాయమూర్తి ప్రసేన్ జిత్ బిశ్వాస్ ముందు ప్రవేశపెట్టగా, రిమాండ్ విధిస్తూ ఆదేశాలు జారీచేశారు. నిందితులపై చట్టవ్యతిరేక కార్యకలాపాలకు పాల్పడుతున్నారన్న అభియోగాలను ఎన్ఐఏ నమోదుచేసింది. సోషల్ మీడియాలో పాకిస్థాన్‌కు చెందిన అల్‌ఖైదా ఉగ్రవాదుల ద్వారా ప్రేరణ పొందిన ఈ 9 మంది దేశ రాజధాని సహా పలు ప్రాంతాల్లో దాడులకు కుట్రపన్నినట్టు ప్రాథమిక విచారణలో తేలిందని ఎన్ఐఏ ఓ ప్రకటనలో తెలిపింది. అంతేకాదు, నిధులు సేకరించి, ఆయుధాలు, పేలుడు పదార్థాలు కొనుగోలుకు ఢిల్లీ వెళ్లాలని భావించారని పేర్కొంది. ‘టెర్రర్ మాడ్యూల్ నిధుల సేకరణలో చురుకుగా పాల్గొంటుంది.. కొంత మంది ముఠా సభ్యులు ఆయుధాలు, పేలుడు పదార్థాలను సేకరించడానికి ఢిల్లీ వెళ్లాలని యోచిస్తున్నారు. దేశంలోని వివిధ ప్రాంతాల్లో ఉగ్రవాద దాడులకు ముందే వ్యూహరచన చేశారని తెలిపింది. అరెస్ట్ చేసినవారిని ముర్షీద్ హసన్, ఐయాకుబ్ బిశ్వాస్, మోసారఫ్ హోసన్ ఎర్నాకులానాకి చెందినవారు. నజ్మస్ సాకీబ్, అబు సుఫీయన్, మైనూల్ మోండల్, లే యాన్ అహ్మద్, అల్ మామున్ కమాల్, అతితూర్ రెహ్మాన్‌లు ముర్షిదాబాద్‌కు చెందిన వ్యక్తులు.
By September 21, 2020 at 09:37AM
No comments