రష్యా వ్యాక్సిన్ భద్రత‌పై అనుమానాలు.. డబ్ల్యూహెచ్ఓ కీలక వ్యాఖ్యలు

ప్రపంచంలోనే కోవిడ్-19కు తొలి వ్యాక్సిన్‌ను ర‌ష్యా విడుద‌ల చేయగా.. దీని సమర్ధతపై అనేక సందేహాలు వ్యక్తమవుతున్నాయి. ప్ర‌పంచం మొత్తం కరోనా వైరస్‌తో సతమతమవుతున్న సమయంలో ర‌ష్యా వ్యాక్సిన్‌ను విడుద‌ల చేసింది. పేరుతో విడుదల చేసిన ఈ వ్యాక్సిన్‌ను త‌న కుమార్తెకు ఇచ్చిన‌ట్లు, ఆమెలో ఇమ్యూనిటీ ప‌వ‌ర్ పెరుగుతున్న‌ట్లు రష్యా అధ్యక్షుడు పుతిన్ ప్ర‌క‌టించారు. అయితే, ఈ వ్యాక్సిన్ సామ‌ర్ధ్యంపై ప‌లు అనుమానాలు త‌లెత్తుతున్నాయి. ప్రపంచ ఆరోగ్య సంస్థ ప్రకారం.. ఆరు కంపెనీలు వ్యాక్సిన్ కోసం విసృతంగా ప‌నిచేస్తున్నాయ‌ని, మానవులపై క్లినికల్ ట్రయల్స్ జ‌ర‌పాల్సి ఉంది. అయితే, ఆ ఆరు కంపెనీల్లో స్పుత్నిక్-వి వ్యాక్సిన్ రూపొందించిన రష్యా సంస్థ పేరులేదు. కాగా, వ్యాక్సిన్ భ‌ద్ర‌త విష‌యంలో రాజీప‌డొద్దంటూ వ‌ర‌ల్డ్ హెల్త్ ఆర్గ‌నైజేష‌న్ ర‌ష్యాను కోరింది. వ్యాక్సిన్ త‌యారీలో అంత‌ర్జాతీయ మార్గ‌ద‌ర్శ‌కాల‌ను పాటించాల‌ని సూచించింది. నివేదికల ప్రకారం.. రష్యా అభివృద్ధి చేసిన వ్యాక్సిన్ ఒక సాధారణ జలుబు వైరస్ అయిన SARS-Cov-2కు చెందిన అడెనో వైరస్ డీఎన్ఏపై ఆధారపడి ప‌నిచేస్తుంది. ఈ వ్యాక్సిన్ క్రమంగా వైర‌స్‌ను నాశ‌నం చేసే యాండీబాడీలను శరీరంలో విడుద‌ల చేస్తుంది. ఆ వ్యాధి కారకాలు రోగనిరోధక శక్తిని పెంచి.. వైర‌స్‌ను నాశ‌నం చేస్తాయి. మూడో దశ ప్రయోగాలు నిర్వహించకుండానే రష్యా వ్యాక్సిన్‌ను విడుదల చేయడంపై పరిశోధకులు ఆందోళన వ్యక్తం చేస్తున్నారు. వ్యాక్సిన్‌ను త్వరగా తీసుకురావాలని పరిశోధకులపై ర‌ష్యా ప్ర‌భుత్వం ఒత్తిడి తీసుకొచ్చిందని, దీని వ‌ల్ల తీవ్ర ప‌రిణామాలను ఎదుర్కొవాల్సి వ‌స్తుంద‌ని హెచ్చరిస్తున్నారు. పెద్ద ఎత్తున క్లినికల్ ట్రయల్స్ జరిగినట్టు ఆధారాలు లేవని అంటున్నారు. ‘ఇది నిజంగా భయానకంగా ఉందని నేను భావిస్తున్నాను.. ఇది నిజంగా ప్రమాదకరమే’ అని జాన్ హాప్కిన్స్ యూనివర్సిటీ ఇన్‌స్టిట్యూట్ ఫర్ వ్యాక్సిన్ సేఫ్టీ డైరెక్టర్ డేనియల్ సాల్మన్ అన్నారు. మూడో దశ ట్రయల్స్ పూర్తికాకుండా రష్యా ప్రమాదకరమైన చర్యలు తీసుకుంటుందని సాల్మన్, ఇతర నిపుణులు వ్యాఖ్యానించారు.

By August 12, 2020 at 07:58AM

Read More https://telugu.samayam.com/latest-news/international-news/this-is-all-beyond-stupid-who-and-other-experts-worry-about-russia-vaccine-sputnik-v/articleshow/77496186.cms