రష్యా వ్యాక్సిన్ కోసం క్యూ కడుతోన్న ఆర్డర్లు.. 20 దేశాల నుంచి బిలియన్ దరఖాస్తులు!
ఉమ్మడి శత్రువైన కోవిడ్-19తో పోరాడుతున్న ప్రపంచం.. వ్యాక్సిన్ కోసం కోటి ఆశలతో ఎదురుచూస్తున్న వేళ రష్యా తొలి వ్యాాక్సిన్ను ప్రకటించిన విషయం తెలిసిందే. ఈ వ్యాక్సిన్కు స్పుత్నిక్-వి అనే రష్యా నామకరణం చేసింది. తన కుమార్తె సహా పలువురు టీకా వేయించుకున్నట్టు రష్యా అధ్యక్షుడు వ్లాదిమిర్ పుతిన్ వెల్లడించారు. తాజాగా, తాము అభివృద్ధి చేసిన ఈ వ్యాక్సిన్ కోసం పలు దేశాల నుంచి ఆర్డర్లు వెల్లువలా వస్తున్నాయని రష్యా పేర్కొంది. ఇప్పటివరకు దాదాపు బిలియన్ డోస్ల కోసం 20 దేశాలు ముందస్తుగా ఆర్డర్ చేశాయని ఈ వ్యాక్సిన్ అభివృద్ధికి నిధులు సమకూర్చిన రష్యన్ డైరెక్ట్ ఇన్వెస్ట్మెంట్ ఫండ్ సంస్థ చీఫ్ కిరిల్ దిమిత్రియేవ్ తెలిపారు. వ్యాక్సిన్ మూడో దశ క్లినికల్ ట్రయల్స్ బుధవారం నుంచి ప్రారంభమవుతాయని దిమిత్రియేవ్ అన్నారు. అలాగే, వ్యాక్సిన్ ఉత్పత్తిని మాత్రం సెప్టెంబర్ నుంచి ప్రారంభించే అవకాశం ఉన్నట్టు ఆయన పేర్కొన్నారు. ‘ది గమలేయా రిసెర్చి ఇన్స్టిట్యూట్ అభివృద్ధి చేస్తున్న స్పుత్నిక్-వి వ్యాక్సిన్పై పలు దేశాలు ఆసక్తి చూపుతున్నట్టు గుర్తించామని’ అని తెలిపారు. కోవిడ్ వ్యాక్సిన్ కోసం ఇప్పటికే 20 దేశాల నుంచి వచ్చిన దరఖాస్తులు బిలియన్ మార్క్ దాటాయని దిమిత్రియేవ్ వెల్లడించారు. విదేశీ భాగస్వాములతో కలిసి రష్యా ఏడాదికి 500 మిలియన్ డోసుల వ్యాక్సిన్ను ఐదు దేశాల్లో ఉత్పత్తి చేస్తుందని ఆయన తెలిపారు. రష్యా వ్యాక్సిన్పై లేనిపోని అపోహలు సృష్టించడానికి మీడియా చేస్తున్న వ్యూహాత్మక దాడులను తీవ్రంగా ఖండిస్తున్నామని అన్నారు. అంతరిక్ష ప్రయోగాలపై అమెరికాతో నాటి సోవియట్ యూనియన్ సహకారాన్ని ఈ సందర్భంగా గుర్తుచేశారు. ‘నిర్మాణాత్మక చర్చల ద్వారా ఇతర దేశాలు తమతో కలిసి పనిచేయడానికి ముందుకు వచ్చి.. సమీప భవిష్యత్తులో వారి పౌరులకు సమర్ధవంతమైన, సురక్షితమైన ఔషధాన్ని అందజేయడం వల్ల వాస్తవానికి ప్రాణాలను కాపాడుతుందని, మహమ్మారిని నిలువరించగలదు’ అని వ్యాఖ్యానించారు. కాగా, వ్యాక్సిన్ సామర్థ్యంపై నిపుణులు ఆందోళన వ్యక్తం చేస్తున్నారు. ఇది ముందు సురిక్షితమైనదా, ప్రపంచస్థాయి ప్రమాణాలను కలిగిఉందా అనేది పరిశీలించాలని అంటున్నారు. వ్యాక్సిన్ పరీక్షల శాంపిల్ పరిమాణం, దీని సామర్ధం వంటి ప్రాతిపదికన భద్రతను పసిగట్టవచ్చని తెలిపారు. మొదట వ్యాక్సిన్ సురక్షితమైనదా కాదా అనేది వెల్లడికావాల్సి ఉందని, పెద్ద ఎత్తున వ్యాక్సిన్ ఉత్పత్తి చేపట్టే ముందు ఇది ప్రాథమిక అంశమని వ్యాఖ్యానిస్తున్నారు.
By August 12, 2020 at 07:29AM
No comments