కెనడాలో భారీ సైబర్ దాడి.. వేలాది ప్రభుత్వ ఖాతాలు హ్యాకింగ్
కెనడా ప్రభుత్వ ఖాతాలపై సైబర్ దాడులు జరిగాయి. వేలాది ఆన్లైన్ ప్రభుత్వ సేవల ఖాతాలను సైబర్ నేరగాళ్లు హ్యాక్ చేసినట్టు అధికార వర్గాలు వెల్లడించాయి. ఫెడరల్ డిపార్ట్మెంట్, కెనడా రెవెన్యూ ఏజెన్సీలకు ఆన్లైన్ సేవలు అందించే జీసీకీ సర్వీస్ లక్ష్యంగా ఈ సైబర్ దాడుల జరిగినట్టు కెనడా సెక్రటేరియల్ ట్రెజరీ బోర్డు తెలిపింది. మొత్తం 9,041 మంది జీసీకీ ఖతాదారుల యూజర్ ఐడీ, పాస్వర్డ్ను మోసపూరితంగా తస్కరించి, ప్రభుత్వ సేవలను హ్యాక్ చేయడానికి ప్రయత్నించారని పేర్కొంది. సైబర్ దాడులకు గురైన అన్ని ఖాతాలను రద్దుచేసినట్టు తెలిపాయి. కెనడా రెవెన్యూ ఏజెన్సీలోని సుమారు 5,500 ఖాతాలను లక్ష్యంగా చేసుకుని గతంలో, ఇప్పుడు సైబర్ దాడులు జరిగినట్టు అధికారులు చెబుతున్నారు. ఈ ఖాతాలలో పన్ను చెల్లింపులకు సంబంధించిన పూర్తి సమాచారం ఉండటంతోనే వీటిని అక్రమంగా యాక్సెస్ చేసేందుక హ్యాకర్లు ప్రయత్నించినట్టు సమాచారం. కాగా.. పన్ను చెల్లింపుదారుల సమాచారాన్ని రక్షించేందుకు తాము ఈ ఖాతాలను వెంటనే నిలిపివేనిసట్టు అధికారులు తెలిపారు. పెద్ద మొత్తంలో ప్రభుత్వ ఖాతాలు హాకింగ్కు గురికావడంతో ప్రభుత్వం అప్రమత్తమైంది. గోప్యత ఉల్లంఘనపై విచారణ జరిపి చర్యలు తీసుకోవాలని పోలీసులను ఆదేశించింది. కాగా, రెవెన్యూ ఏజెన్సీ ఖాతాలతో సంబంధం ఉన్న బ్యాంకింగ్ సమాచారం మార్చినట్టు ఆగస్ట్ తొలి వారంలోనే చాలా మంది ఫిర్యాదు చేసినా ప్రభుత్వం పట్టించుకోలేదని తెలుస్తోంది. దీంతో ఫలితంగా కరోనావైరస్ సంక్షోభ సమయంలో ప్రభుత్వం అందిచిన ఆర్థిక సాయం అర్హులకు అందకుండా పోయిందని ఆ దేశ మీడియా పేర్కొంది.
By August 17, 2020 at 07:58AM
No comments