కరోనా వైరస్ జన్యుక్రమంలో మార్పులు..దీని వల్లే వ్యాప్తి ఎక్కువ: తాజాగా పరిశోధన
కరోనా వైరస్ జన్యుక్రమంలో మార్పులు చోటుచేసుకోవడంతో మానవుల్లో ఇన్‌ఫెక్షన్‌ కలిగించే సామర్థ్యం బాగా పెరిగిందని తాజా అధ్యయనంలో శాస్త్రవేత్తలు గుర్తించారు. తత్ఫలితంగా ప్రపంచవ్యాప్తంగా వ్యాప్తిలో ఉన్న వైరస్ రకాల్లో ఈ కొత్త రకానిదే పైచేయి అని పేర్కొన్నారు. కొవిడ్‌ కారక సార్స్-కోవ్‌-2 వైరస్‌లో మార్పుల వల్ల ‘డీ614జీ’ అనే రకం వచ్చి చేరిందని శాస్త్రవేత్తలు వివరించారు. దీనికే ఎక్కువ సాంక్రమిక లక్షణాలు ఉన్నట్టు పరిశోధనల్లో గుర్తించినట్టు తెలిపారు. ‘ఈ రకం వైరస్.. గురించి ఏప్రిల్‌ తొలి వారంలో మా దృష్టికి వచ్చింది. ప్రపంచవ్యాప్తంగా ఏ ప్రాంతంలోనైనా స్థానిక రకం కరోనా వైరస్‌లు అధికంగా వ్యాప్తి చెందుతున్న సందర్భంలో ఈ ‘డీ614జీ’ రకం ప్రవేశంతో పరిస్థితి తారుమారు అవుతోంది. ఈ కొత్త రకం వైరస్సే సింహభాగాన్ని ఆక్రమిస్తోంది’ అమెరికాలోని లాస్ అల్మాస్ నేషనల్ ల్యాబొరేటరీ శాస్త్రవేత్త, పరిశోధనకు నాయకత్వం వహించిన బెటె కోర్బర్‌ పేర్కొన్నారు. ఈ రకం వైరస్‌లో చాలా స్వల్పమైన మార్పు ఉందని, కానీ అది చాలా సమర్థమైందని అన్నారు. వైరస్ పైపొరలో ఉండే కొమ్ము లాంటి ‘స్పైక్‌ ప్రొటీన్‌’లో ఈ మార్పు జరిగిందన్నారు. ఈ ఆకృతిని ఉపయోగించుకొని మానవ కణాల్లోకి సార్స్-కోవి-2 సమర్ధవంతంగా ప్రవేశిస్తుందని ఇదే పరిశోధనలో పాల్గొన్న యూకేలోని యూనివర్సిటీ ఆఫ్ షెఫీల్డ్ శాస్త్రవేత్తలు తెలిపారు. ‘మేము మహమ్మారి ప్రారంభం నుంచి SARS-CoV-2 జాతులను పరీక్షిస్తున్నాం.. వైరస్ వ్యాప్తిలో ఈ మ్యుటేషన్ జాతులు ఆధిపత్యం ప్రదర్శించినట్టు గుర్తించాం’ అతని పరిశోధనలో పాల్గొన్న తుషాన్ డి సిల్వా పేర్కొన్నారు. ప్రస్తుత అధ్యయనం దీనిని నిర్ధారిస్తుంది.. D614G జన్యుక్రమంలో మార్పులు కూడా వేగంగా వైరస్ వ్యాప్తికి దోహదం చేసినట్టు ప్రయోగశాలలో నిర్ధారణ అయ్యిందని అన్నారు.
By July 04, 2020 at 10:41AM
No comments