శ్యామ్ కె నాయుడుపై లైంగిక ఆరోపణల కేసులో ట్విస్ట్.. ఎస్ఐకి భారీ లంచం, నటి శ్రీ సుధ కీలక ఆధారాలు
ప్రముఖ సినిమాటోగ్రాఫ‌ర్ శ్యామ్.కె.నాయుడు కేసులో మరో ట్విస్ట్ వెలుగులోకి వచ్చింది. ప్రేమించి పెళ్లి చేసుకుంటానని న‌మ్మించి.. త‌న‌ను శారీర‌కంగా వాడుకుని మోసం చేశాడంటూ ఎస్ఆర్ నగర్ పోలీస్ స్టేష‌న్‌లో సినీ నటి సాయి సుధ () ఫిర్యాదు చేసిన సంగ‌తి తెలిసిందే. ఈ కేసులో అరెస్ట్ అయిన శ్యాం కె నాయుడిని రిమాండ్‌కి తరలించగా.. బెయిల్‌పై విడుదలయ్యారు. నటితో కాంప్రమైజ్ అయినట్టు కోర్టుకు తెలిపిన అరెస్ట్ అయిన రెండు రోజుల్లోనే బెయిల్‌పై విడుదలయ్యారు. అయితే తాను కాంప్రమైజ్ అయినట్టుగా తప్పుడు పత్రాలను సృష్టించి.. తన సంతకాన్ని మార్ఫింగ్ చేశారని బెయిల్ పిటిషన్‌ను సవాల్ చేస్తూ కోర్టుకెక్కింది సాయి సుధ. దీంతో శ్యామ్ కె నాయుడు బెయిల్‌ని రద్దు చేయడం అప్పట్లో హాట్ టాపిక్ అయ్యింది. అయితే ఈ మొత్తం వ్యవహారంలో మరో కొత్త ట్విస్ట్ బయటకు వచ్చింది. ఎస్ ఆర్ నగర్ ఎస్ ఐకి ఐదు లక్షల లంచం ఇచ్చానంటూ బాంబ్ పేల్చింది సాయి సుధ. ఎస్.ఆర్.నగర్ పోలీస్ ఇన్స్పెక్టర్ తన దగ్గర నుంచి 5 లక్షల రూపాయల వరకు డబ్బులు తీసుకొని తగిన విధంగా న్యాయం చేయలేదని ఏసీబీ అధికారులను ఆశ్రయించింది సాయి సుధ. తాను ఎస్.ఆర్.నగర్ ఇన్స్పెక్టర్ మురళికి ఐదు లక్షల వరకు డబ్బులు ఇచ్చానని, తర్వాత పోలీసులు శ్యాం కె నాయుడుపై కేసు నమోదు చేశారు . అరెస్టు చేయకుండా వదిలిపెట్టారని, కోర్టులో తప్పుడు సమాచారం ఇచ్చారని శ్రీ సుధా చెప్తుంది. తన దగ్గర పూర్తి ఆధారాలు ఉన్నాయని, దీనికి సంబంధించి ఏసీబీ అధికారులను కలిసి ఇచ్చానని వెల్లడించింది. అంతేకాకుండా ఆడియో రికార్డ్స్ కూడా తన వద్ద ఉన్నాయని శ్రీ సుధా వెల్లడించింది. శ్రీ సుధ తనతో కాంప్రమైజ్ అయిందని శ్యాం కె నాయుడు కోర్టులో ఒక పిటిషన్ దాఖలు చేశారు. ఈ పిటిషన్‌ను సవాల్ చేస్తూ శ్రీ సుధా కోర్టును ఆశ్రయించింది. శ్యామ్ కె నాయుడు పై కేసు నమోదు చేయాలంటూ కోర్టు ఎస్.ఆర్.నగర్ పోలీసులను ఆదేశించింది. పోలీసులు తన దగ్గర ఐదు లక్షల రూపాయలు డబ్బులు తీసుకొని న్యాయం చేయలేదంటూ ఏసీబీ అధికారులను శ్రీ సుధా ఆశ్రయించడం సంచలనం సృష్టిస్తోంది. మొత్తానికి శ్రీసుధ-శ్యామ్ కె నాయుడు లైంగిక ఆరోపణల కేసు పోలీసుల మెడకు చుట్టుకోవడంతో ఈ వ్యవహారరంలో ఇంకెన్ని ట్విస్ట్‌లు చూడాల్సివస్తుందో మరి.
By July 29, 2020 at 09:15AM
No comments