ఆలయాలు, ప్రార్థనా మందిరాలకు వెళ్తున్నారా? ఇవి తప్పనిసరిగా పాటించాల్సిందే!

కరోనా వైరస్ కారణంగా దేశవ్యాప్తంగా రెండు నెలల నుంచి లాక్‌డౌన్‌ కొనసాగుతోంది. లాక్‌డౌన్‌ 5.0 జూన్ 30 వరకు కొనసాగుతున్నప్పటికీ కేంద్ర ప్రభుత్వం ఇప్పటికే అనేక సడలింపులు ఇచ్చింది. ఇందులో భాగంగా జూన్ 8 నుంచి పుణ్యక్షేత్రాలు, ఆలయాలు, ప్రార్థనా మందిరాలు తిరిగి తెరుచుకోనున్నాయి. ఈ నేపథ్యంలో ఆలయాలు, ప్రార్థనా మందిరాలు, షాపింగ్ మాల్స్, హోటల్స్‌లో ఎలాంటి జాగ్రత్తలు తీసుకోవాలన్నదానిపై కేంద్ర ఆరోగ్య మరియు కుటుంబ సంక్షేమశాఖ మార్గదర్శకాలను విడుదల చేసింది. ఒకవేళ ఆలయాలు, ప్రార్థనా సంస్థలు కంటెయిన్‌మెంట్‌ జోన్లలో ఉంటే మూసే ఉంచాలని స్పష్టం చేసింది. ⍟ 65 ఏళ్లకు పైబడినవాళ్లు, ఇతరత్రా రుగ్మతలు ఉన్నవారు, గర్భిణీలు, 10 ఏళ్లలోపు పిల్లలు ప్రార్థనాలయాలకు వెళ్లకపోవడం మంచిది. ఇదుకు అనుగుణంగా ఆలయాలను పర్యవేక్షించే సంస్థలు భక్తులకు సూచనలు ఇవ్వాలి. ⍟ భక్తులు దర్శనం కోసం క్యూలైన్‌లో ఉన్నపుడు కనీసం ఆరడుగుల భౌతికదూరం తప్పకుండా పాటించాలి. ఇందుకు సంబంధించి ప్రార్థనాస్థలాల నిర్వాహకులు చర్యలు తీసుకోవాలి. ⍟ ఫేస్ కవర్స్ లేదా మాస్కులు ఉన్నవారిని మాత్రమే లోనికి అనుమతించాలి. ⍟ వీలైనంత వరకూ సబ్బుతోగానీ (40 నుంచి 60 సెకన్లపాటు), శానిటైజర్ (కనీసం 20 సెకన్లు) తోగానీ చేతులను అవకాశం ఉన్నపుడల్లా శుభ్రం చేసుకుంటూ ఉండాలి. ⍟ దగ్గు, తమ్ములు వచ్చినపుడు తప్పనిసరిగా మోచేతలను అడ్డుపెట్టుకోవడం లేదా కర్చీఫ్, టిష్యూ పేపర్‌ను ఉపయోగించాలి. టిష్యూ పేపర్‌ను పారవేయడంలో తగిన జాగ్రత్తలు తీసుకోవాలి. ⍟ భక్తులు ఎప్పటికప్పుడు తమ ఆరోగ్యం పట్ల అప్రమత్తంగా ఉండాలి. ఎలాంటి అనారోగ్యకరమైన లక్షణాలు కనిపించినా వెంటనే జిల్లా హెల్ప్ లైన్ నంబర్‌కు కాల్ చేయాలి. ⍟ ఆలయ పరిసరప్రాంతాల్లో, చుట్టుపక్కల ప్రదేశాల్లో ఉమ్మి వేయడాన్ని ఖచ్చితంగా నిషేధించాలి. ⍟ భక్తులందరికీ తప్పనిసరిగా ఆరోగ్యసేతు యాప్‌ను డౌన్‌లోడ్ చేసుకోవాలని సూచించాలి. అన్ని మతపరమైన ప్రాంతాల్లో ఈ జాగ్రత్తలు కూడా తీసుకోవాలి: ⍟ ప్రవేశ ద్వారాల వద్ద శానిటైజర్లు, థర్మల్‌ స్కానర్లను తప్పనిసరిగా ఏర్పాటు చేయాలి. ⍟ దగ్గు, జలుబు, జ్వరం వంటి లక్షణాలు లేనివారినే దర్శనానికి అనుమతించాలి. ⍟ కోవిడ్-19 గురించి, నివారణ చర్యలకు సంబంధించిన పోస్టర్లు/ స్టాండీలు ఏర్పాటు చేయాలి. వైరస్ పై ప్రజలకు మరింత అవగాహన కల్పించేలా ఆడియో, వీడియో క్లిప్ లు ప్రదర్శించే ఏర్పాట్లు చేయాలి. ⍟ భక్తులు వీలైనంత వరకు తమ పాదరక్షలను వాహనాల్లోనే వదిలి వెళ్లాలి. మరీ అవసరమైతేనే వెంట తీసుకెళ్లాలి. ప్రతి వ్యక్తి / కుటుంబ సభ్యుల వరకు ప్రత్యేక స్టాళ్లలో ఉంచాలి. ⍟ పార్కింగ్‌ ప్రదేశం లోపల, బయట ఎక్కువ మంది గుమికూడి ఉండకూడదు. అక్కడ తప్పనిసరిగా భౌతిక దూరం పాటించేందుకు అవసరమైన చర్యలు తీసుకోవాలి. ⍟ షాపులు, స్టాల్స్, కేఫ్‌లు తమ పరిసరాల్లో భక్తులు భౌతిక దూరం పాటించేందుకు చర్యలు తీసుకోవాలి. ఇందుకోసం క్యూలైన్ ద్వారా ఆ పరిసరాల్లో భౌతికదూరం పాటించేలా మార్కింగ్స్ వేయాలి. ⍟ లోపలికి వెళ్లడానికి, బయటకు రావడానికి ప్రత్యేక గేట్‌లు ఉండేలా చూసుకోవాలి. ⍟ లోపలికి వచ్చేటప్పుడు కనీసం 6 అడుగుల దూరం ఉంటూ క్యూలైన్‌లో వెళ్లాలి. ⍟ లోపలికి వెళ్లే సమయంలోనే సబ్బు లేదా శానిటైజర్ తో చేతులు, కాళ్లు కడుక్కోవాలి. ⍟ ఆలయంలో దేవతామూర్తులను, ఇతర ప్రార్థనా స్థలాల్లో పవిత్ర గ్రంథాలను తాకకూడదు. ⍟ ప్రార్థనాలయాల దగ్గర ప్రసాదాలు/ పవిత్ర జలాలను చల్లడం, సామూహిక వంటశాలలు, అన్నదానాల వద్ద భౌతిక దూరం పాటించాలి. ⍟ ప్రార్థనాలయాల పరిసరాల్లో పారిశుద్ధ్యం, మరుగుదొడ్లు, నీటి కుళాయిలు, కాళ్లు కడుక్కునే ప్రాంతాలవద్ద ప్రత్యేక దృష్టిసారించాలి. ⍟ ఆలయాల్లోని వివిధ అంతస్తులను (ఫ్లోర్స్), పరిసర ప్రాంతాలను తరచూ శుభ్ర చేయడం, క్రిమిహారకం చేయడం తప్పనిసరి. ⍟ భక్తులు, సందర్శకులు వదిలి వెళ్లిన ఫేస్ కవర్లు, మాస్కులు, చేతి కవర్లను సరైన పద్దతిలో పారవేయడానికి ప్రత్యేకంగా సిబ్బందిని నియమించాలి. ఒకవేళ ఆలయ, ప్రార్థనా ప్రదేశాల్లో అనుమానితుడు లేదా ధృవీకరించబడిన కేసు విషయంలో: ⍟ అనుమానిత లక్షణాలు ఉండే వ్యక్తిని అతడితోపాటు గదిలో ఉన్న వ్యక్తుల నుంచి వేరు చేసి వెంటనే ప్రత్యేక ప్రదేశంలో ఉంచాలి. వారిని వైద్యులు పరీక్షించే వరకు మాస్కు/ ఫేస్ కవర్ అందజేసి, వెంటనే స్థానికంగా ఉండే వైద్య సిబ్బందికి లేదా జిల్లా, రాష్ట్రస్థాయి హెల్ప్ లైన్ కు కాల్ చేయాలి ⍟ వైద్యశాఖ నియమించిన సిబ్బంది అప్రమత్తమై తదుపరి చర్యలకు సిద్ధమవుతారు. అతని / ఆమెతో దగ్గరగా ఉన్నవారి పరిచయాలను గుర్తించడంలో నిమగ్నమవుతారు. ⍟ ఒకవేళ వారికి కోవిడ్-19 పాజిటివ్ కేసుగా నిర్ధారించబడితే వెంటనే ఆప్రాంతాన్ని క్రిమిసంహారకం చేయాలి.

By June 06, 2020 at 12:48PM

Read More https://telugu.samayam.com/latest-news/india-news/temples-and-religious-places-reopen-centre-issues-guidelines/articleshow/76230236.cms