ఆ పిచ్చి ఎక్కువై అంతా పోగొట్టుకున్నా.. ఫస్ట్‌టైమ్ గోవాలో..! శ్రీముఖి ఓపెన్ స్టేట్‌మెంట్
బుల్లితెర యాంకర్‌గా, అంతకుమించి రాములమ్మగా ప్రతీ ప్రేక్షకుడికి సుపరిచితం . ‘పటాస్’ షోలో యాంకరింగ్ చేసి ఫుల్ ఫేమస్ అయిన ఈ బుల్లితెర బ్యూటీ.. ఆ తర్వాత ‘బిగ్ బాస్ 3’ ఛాన్స్ పట్టేసి తెగ హంగామా చేసింది. విన్నర్ అవుతుందనుకుంటే చివరకు రన్నర్ ట్రోఫీతోనే సర్దుకుంది. మాటల గారడీ చేస్తూ మంచి ఫాలోయింగ్ కూడగట్టుకున్న శ్రీముఖికి ఫ్యాన్ ఫాలోయింగ్ కూడా చాలా ఎక్కువే. ఏదైనా ఓపెన్‌గా మాట్లాడటం, డబుల్ మీనింగ్ డైలాగ్స్ చెబుతూ అట్రాక్ట్ చేయడం ఆమెకు వెన్నతో పెట్టిన విద్య. ఇలా చేస్తూనే ప్రశంసలు అందుకుంటూ సక్సెస్‌ఫుల్ జర్నీ కొనసాగిస్తున్న శ్రీ ముఖి.. తాజాగా ఓ మీడియాతో ముచ్చటిస్తూ తన జీవితంలో జరిగిన కొన్ని విషయాలు చెప్పి ఆసక్తి కలిగించింది. లాక్‌డౌన్ కారణంగా షూటింగ్స్ బంద్ కావడంతో ఇంటికే పరిమితమైన సెలబ్రిటీలు పలు ఆన్‌లైన్ ఇంటర్వ్యూలు ఇస్తూ ప్రేక్షకులను పలకరిస్తున్నారు. ఈ క్రమంలోనే ఓ ఇంటర్వ్యూలో పాల్గొన్న శ్రీముఖి.. గోవాలో తనకు ఎదురైన చేదు అనుభవాల సంగతులు చెప్పింది. ఇప్పటి వరకు ఎవ్వరికీ తెలియని కొన్ని విశేషాలను స్వయంగా వెల్లడించి ఆశ్చర్యపర్చింది. తనకు అంటే చాలా చాలా పిచ్చి ఉండేదని, ఆ కారణంగా గోవాలో చాలా డబ్బును కోల్పోయానని చెప్పుకొచ్చింది శ్రీ ముఖి. కసీనో గేమ్ మీద ఉన్న పిచ్చితో గోవా వెళ్లేదాన్నని, అదే తనకు చేదు అనుభవాలు మిగిల్చిందని ఆమె పేర్కొంది. ఫస్ట్ టైమ్ గోవా వెళ్లినప్పుడు కసీనో గేమ్ ఆడితే డబ్బులు వచ్చాయని, దాంతో రెండోసారి, మూడోసారి వెళ్లినప్పుడు కూడా అదే చేసి చేతులు కాల్చుకున్నానని చెప్పింది. ఉన్న డబ్బంతా పోవడంతో అప్పటి నుంచి ఆ గేమ్‌కు దూరంగా ఉంటున్నానని తెలిపింది శ్రీముఖి. Also Read: బుల్లితెరతో పాటు సిల్వర్ స్క్రీన్ జర్నీ కూడా చేస్తున్న శ్రీముఖి ప్రస్తుతం 'ఇట్స్ టైమ్ టు పార్టీ' సినిమాలో నటిస్తోంది. ఈ సినిమా నుంచి ఇటీవలే విడుదలైన ఆమె లుక్ ప్రేక్షకులను విశేషంగా ఆకట్టుకుంది. చేతిలో తుపాకీ పట్టి గ్లామర్ లుక్‌లో దర్శనమిచ్చింది శ్రీముఖి. అభిమానులకు, ప్రేక్షకులకు శ్రీముఖి క్యారెక్టర్ స్పెషల్ సర్‌ప్రైజ్ ఇస్తుందని, త్వరలోనే ఈ మూవీ విడుదల చేస్తామని డైరెక్టర్ గౌతమ్ ఇ.వి.ఎస్ తెలిపారు.
By May 16, 2020 at 07:58AM
No comments