రూపాలను మార్చుకుంటూ మరింత ప్రమాదికారిగా మారిన మహమ్మారి
ప్రపంచాన్ని వణికిస్తున్న కరోనా వైరస్‌ మహమ్మారి జన్యుపరంగా వివిధ మార్పులకు గురైనట్లు చైనా శాస్త్రవేత్తల అధ్యయనంలో తేలింది. ‘సార్స్-కొవ్‌-2’ వైరస్‌ ఇప్పటికే 30 కంటే ఎక్కువ జాతులుగా రూపాంతరం చెందిందని, ప్రపంచంలోని వివిధ దేశాల్లో వేర్వేరు రూపాల్లో పంజా విసురుతోందని పరిశోధనలో గుర్తించారు. ఈ పరిణామంతో వైరస్‌ మరింత తీవ్ర ప్రమాదకారిగా మారుతుందని, దీనిని మొత్తంగా నివారించే క్రమంలో మరిన్ని సమస్యలు తలెత్తవచ్చునని శాస్త్రవేత్తలు ఆందోళన చెందున్నారు. హాంగ్జూలోని జెజియాంగ్‌ యూనివర్సిటీ ప్రొఫెసర్ లి లాంజువాన్‌ తన సహచరులతో కలిసి ఈ అధ్యయనాన్ని నిర్వహించారు. హంగ్జూలోని మొత్తం 1,264 మంది బాధితుల్లో 11 మంది నుంచి సేకరించిన నమూనాల్ని పరిశీలించారు. సార్స్-కోవి -2 దాని వ్యాధికారకతను గణనీయంగా మార్చగల ఉత్పరివర్తనాల సామర్ధ్యాన్ని పెంచుకుందని లీ తన పరిశోధన పత్రంలో పేర్కొన్నారు. వైరస్‌లోని అత్యంత దూకుడు జాతులు కొన్ని బలహీనమైన జాతుల కన్నా 270 రెట్లు అధికంగా ఉత్పత్తి చేయగలవని లీ బృందం గుర్తించింది.. ఈ దూకుడు జాతులు మానవ కణాలపై వేగంగా దాడిచేసి చంపుతున్నట్టు తేలింది. ఈ పరిశోధనల ప్రకారం.. వైరల్ జాతుల నిజమైన వైవిధ్యాన్ని తక్కువగా అంచనా వేయడమే కాదు, చికిత్స లేదా వ్యాక్సిన్‌ను వీలైనంత తొందరగా అందుబాటులోకి తేవాల్సిన ఆవశ్యకతను తెలియజేస్తుంది. ఔషధం, వ్యాక్సిన్ అభివృద్ధి అత్యవసరం అయితే, జన్యు క్రమాన్ని నివారించడానికి ఉత్పరివర్తనాల ప్రభావం ముఖ్యంగా వ్యవస్థాపక ఉత్పరివర్తనాలను పరిగణనలోకి తీసుకోవాలని పరిశోధకులు వ్యాఖ్యానించారు. పంచ ఆరోగ్య సంస్థ వెల్లడించిన వివరాల ప్రకారం ప్రపంచవ్యాప్తంగా ప్రస్తుతం 70 కరోనా వ్యాక్సిన్లు వివిధ దశల్లో ఉన్నాయి. 3 వ్యాక్సిన్లు మనుషులపై ప్రయోగాల దశలో ఉన్నాయి. కాగా తాము ఇప్పటికే కోతులు, ఎలుకలపై నిర్వహించిన తొలి దశ వ్యాక్సిన్ ప్రయోగాలు విజయవంతం అయ్యాయని చైనా శాస్త్రవేత్తలు తెలిపారు. ఈ ప్రయోగాల్లో జంతువుల శరీరాల్లో SARS-CoV-2 యాంటీ బాడీస్‌ను ఉత్పత్తి అయినట్లు గుర్తించారు. కోతులకు 3 మైక్రో గ్రాములు, 6 మైక్రో గ్రాముల చొప్పున రెండు డోసుల వ్యాక్సిన్ ఇవ్వడం ద్వారా వాటికి కరోనా నుంచి పూర్తిగా లేదా పాక్షికంగా రక్షణ లభించింది. కరోనా కోసం రూపొందించిన ఈ వ్యాక్సిన్ మరో పది రకాల వైరస్‌లను నాశనం చేస్తుందని ఈ అధ్యయనంలో గుర్తించారు.
By April 23, 2020 at 09:35AM
No comments