‘వకీల్ సాబ్’ ఉమెన్స్ డే స్పెషల్: ‘మగువా మగువా’ సాంగ్ విడుదల

పవర్ స్టార్ పవన్ కళ్యాణ్ హీరోగా వస్తోన్న చిత్రం ‘వకీల్ సాబ్’. హిందీ సూపర్ హిట్ మూవీ ‘పింక్’కు ఇది రీమేక్. అక్కడ అమితాబ్ బచ్చన్ పోషించిన పాత్రను ఇక్కడ పవన్ కళ్యాణ్ పోషిస్తు్న్నారు. తాప్సి పాత్రలో నివేదా థామస్ నటిస్తున్నారు. బోనీ కపూర్ బేవ్యూ ప్రాజెక్ట్స్ సమర్పణలో శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మిస్తున్నారు. శ్రీరామ్ వేణు దర్శకత్వం వహిస్తున్నారు. తమన్ సంగీతం అందిస్తున్నారు. ఈ సినిమా నుంచి తొలి పాట విడుదలైంది. ఆదివారం (మార్చి 8న) మహిళా దినోత్సవాన్ని పురష్కరించుకుని స్త్రీ గొప్పతనాన్ని చాటే ఈ పాటను ప్రేక్షకుల ముందుకు తీసుకొచ్చారు. ‘మగువా మగువా లోకానికి తెలుసా నీ విలువ..’ అంటూ సాగే ఈ పాటను రామజోగయ్య శాస్త్రి రచించారు. సిద్ శ్రీరామ్ ఆలపించారు.

By March 08, 2020 at 10:12AM

Read More https://telugu.samayam.com/telugu-movies/cinema-news/maguva-maguva-lyrical-song-from-pawan-kalyan-vakeel-saab-movie-released/articleshow/74534316.cms