KCR: ‘తల్లిని కన్న తనయుడికి జన్మదిన శుభాకాంక్షలు..’ కేటీఆర్ హార్ట్ టచింగ్ విషెస్
తెలంగాణ సీఎం పుట్టిన రోజు సందర్భంగా సోషల్ మీడియాలో ఆయనకు జన్మదిన శుభాకాంక్షలు వెల్లువెత్తుతున్నాయి. హ్యాపీ బర్త్ డే కేసీఆర్, కేసీఆర్ బర్త్‌డే హ్యాష్‌ట్యాగ్స్‌తో ట్విట్టర్లో ట్వీట్లు పోటెత్తుతున్నాయి. తెలంగాణ, ఆంధ్రా అనే తేడా లేకుండా ప్రముఖులంతా కేసీఆర్‌కు శుభాకాంక్షలు చెబుతున్నారు. ఇక కేసీఆర్ తనయుడు , మేనల్లుడు కూడా ట్విట్టర్ ద్వారా తమ ప్రియతమ నేతకు బర్త్ డే విషెస్ తెలిపారు. ‘‘నాకు తెలిసిన బహుముఖ ప్రజ్ఞాశాలి, ధైర్యవంతుడు, కరుణామయుడు, ప్రజాకర్షణ కలిగిన క్రియాశీల వ్యక్తి; నేను నాన్న అని గర్వంగా పిలిచే వ్యక్తి.. మీరు చిరకాలం జీవించాలని, మీ ముందు చూపుతో, నిబద్ధతతో మాలో ఇలాగే స్ఫూర్తిని నింపుతుండాలని కోరుకుంటున్నా. తల్లిని కన్న తనయుడికి జన్మదిన శుభాకాంక్షలు’’ అని కేటీఆర్ ట్వీట్ చేశారు. తెలంగాణ ఏర్పాటులో కేసీఆర్ కీలక భూమిక పోషించిన సంగతి తెలిసిందే. ఆయన్నంతా తెలంగాణ జాతిపితగా అభివర్ణిస్తుంటారు. తెలంగాణ తల్లి విగ్రహాలను ఏర్పాటు చేసి పూజిస్తుంటారు. దీంతో తెలంగాణ కల సాకారం చేసిన తెలంగాణ తల్లి ముద్దు బిడ్డ అనే అర్థంలో కేటీఆర్ తల్లిని కన్న తనయుడు అనే పదాన్ని వాడారు. ఆర్థిక మంత్రి హరీశ్ రావు కూడా తన మేనమామ కేసీఆర్‌కు జన్మదిన శుభాకాంక్షలు తెలిపారు. ‘‘తెలంగాణ మీ స్వప్నం.. ఈ రాష్ట్రం మీ త్యాగఫలం.. ఈ అభివృద్ధి మీ దక్షతకు నిదర్శనం.. ఈ నేలకు మీరే శ్రీరామ రక్ష.. తెలంగాణ జాతిపిత శ్రీ కేసిఆర్ గారు శతవసంతాలు చూడాలని మనసారా కోరుకుంటూ.. జన్మదిన శుభాకాంక్షలు’’ అని హరీశ్ ట్వీట్ చేశారు. Read Also: 2018, 2019లో కేటీఆర్ చేసిన ట్వీట్లు..
By February 17, 2020 at 10:24AM
No comments