కోవిడ్ మృతులు, బాధితుల సంఖ్యపై గందరగోళం.. నిన్న ఒకలా, నేడు ఇంకోలా!

మరణాలు, బాధితుల సంఖ్య విషయంలో చైనా వెల్లడించే వివరాలపై గందరగోళం నెలకుంది. బుధవారం ఏకంగా కరోనా వైరస్‌తో 254 మంది ప్రాణాలు కోల్పోగా, కొత్తగా 15 వేల మంది బాధితులను గుర్తించినట్టు ప్రకటించారు. అయితే, గురువారం మాత్రం అనూహ్యంగా కరోనా మరణాలు, బాధితుల సంఖ్య తగ్గినట్టు చైనా తెలిపింది. వైరస్‌ను నిర్ధారించడానికి ఉపయోగించిన విధానంలో మార్పులతో కొత్త కేసుల సంఖ్య 45 శాతం పెరుగుదల కనిపించి, ఒక్క రోజులోనే బాధితులు తగ్గినట్టు ప్రకటించడం విశేషం. కరోనా వైరస్ విషయంలో మారుతున్న లెక్కలు, అసమానతలను వివరించడానికి చైనా ఆరోగ్య అధికారులు విముఖత చూపుతున్నారు. కరోనా వైరస్‌ మరణాల సంఖ్యను సవరించిన చైనా.. ఇప్పటి వరకు 1,380 మంది మృతిచెందినట్టు శుక్రవారం ప్రకటించింది. హుబేలో 108 మందిని రెండుసార్లు లెక్కించినట్టు తెలిపింది. అలాగే, వైరస్ బాధితుల నుంచి 1,043 మందిని తప్పించి, మొత్తం 63,851 మందికి కరోనా సోకినట్టు తెలిపారు. ఈ విషయంలోనూ రెండుస్లారు లెక్కించారని చైనా పేర్కొంది. బుధవారం కొత్తగా 14,840 మందికి కరోనా వైరస్ సోకినట్టు వివరాలు వెల్లడించిన మర్నాడే ఈ సవరణలు చేసింది. న్యూక్లియిక్ యాసిడ్ పరీక్షల ఆధారంగా కరోనా వైరస్‌ను ధ్రువీకరించిన వారికి సీటీ ఇమేజింగ్ స్కాన్‌ పరీక్షలు నిర్వహించడం వల్లే బాధితుల లెక్కల్లో తేడాలు వచ్చినట్టు తెలిపింది. గురువారం 4,823 మంది బాధితులను గుర్తించామని, వీరిలో 3,095 మందికి కరోనా ఉన్నట్టు సీటీ స్కాన్ ద్వారా ధ్రువీకరించారు. కరోనా వైరస్‌ను నిర్ధారణకు ప్రపంచవ్యాప్తంగా ఉపయోగించే న్యూక్లియిక్ యాసిడ్ టెస్టింగ్ కిట్లకు అంతగా విశ్వసనీయత లేదు. అలాగే హుబే ఈ విధానం ద్వారా పరీక్షలు నిర్వహించడానికి కిట్లు, వైద్య సిబ్బంది కొరత తీవ్రంగా ఉంది. కానీ, ఊపిరితిత్తులలో వైరస్ కేంద్రీకృతమై ఉండే అవకాశం ఉండటంతో నమూనాల్లో ఇది బయటపడకపోవచ్చు. ఓ వ్యక్తి రెండుసార్లు నెగెటివ్‌గా వచ్చినా, మూడోసారి పాజిటివ్ వచ్చే సందర్భాలు ఉంటాయని వుహాన్ యూనివర్సిటీ హాస్పిటల్‌కు చెందిన వైద్యుడు జనోథన్ యూ తెలిపారు.

By February 14, 2020 at 10:42AM

Read More https://telugu.samayam.com/latest-news/international-news/whats-going-on-with-chinas-coronavirus-case-and-death-numbers/articleshow/74128846.cms