పాక్: మైనర్‌ను బలవంతంగా పెళ్లాడిన ముస్లిం.. మతం మారేదిలేదన్న హిందూ బాలిక
పాకిస్థాన్‌కు చెందిన హిందూ మైనర్ బాలిక మెహక్ (15) గతంలో తాను ఇచ్చిన వాంగూల్మాన్ని వెనుక్కు తీసుకుంది. తాను వివాహం చేసుకున్న ముస్లిం యువకుడు అలీ రజా మచీతో కలిసి జీవించలేనని, ఇస్లాం స్వీకరించబోనని న్యాయస్థానంలో ఆమె స్పష్టం చేసింది. అంతేకాదు, తల్లిదండ్రుల చెంతకు చేర్చాలని, తాను హిందువుగానే కొనసాగడానికి అనుమతించాలని బాలిక కోరింది. పాకిస్థాన్‌లో జకోబాబాద్ రెండో అదనపు న్యాయమూర్తి గులామ్ అలీ కన్సరో ఛాంబర్‌లో మైనర్ బాలిక తన వాంగ్మూలాన్ని వినిపించింది. పెద్ద సంఖ్యలో మౌల్వీలు అక్కడ గుమిగూడి ఉండగా, బాలిక తన అభిప్రాయాన్ని వెల్లడించింది. బాలిక తరఫున రాజేశ్ నరైన్‌దాస్ కపూర్ అనే న్యాయవాది హాజరయ్యారు. ఆయన టైమ్స్ ఆఫ్ ఇండియాతో మాట్లాడుతూ... జనవరి 21 నాటి విచారణలో తనను ఎవరూ అపహరించలేదని, బలవంతంగా అలీ రజా తను వివాహం చేసుకోలేదని బాలిక చెప్పిందన్నారు. అయితే, అప్పుడు తాను పొరపాటున అలా చెప్పానని గురువారం నాటి విచారణలో పేర్కొందని, తనను ఎత్తుకెళ్లి బలవంతంగా వివాహం చేసుకున్నాడని తెలిపింది. బాధితురాలు, ఆమె కుటుంబాన్ని బెదిరించి తమకు అనుకూలంగా ముస్లిం వర్గాలు న్యాయమూర్తి ఎదుట చెప్పించినట్టు లాయర్ వివరించారు. అయితే, రెండోసారి మాత్రం బాధితురాలు ధైర్యంగా నిజాన్ని వెల్లడించిందన్నారు. సింధ్ ప్రావిన్సుల్లోని జకోబాబాద్‌లో ఔషధాల దుకాణం యజమాని విజయ్ కుమార్ కుమార్తె మెహక్. ఆమెను జనవరి 15న అలీ రజా అనే యువకుడు అపహరించి బలవంతంగా వివాహం చేసుకున్నాడు. దీనిపై పాక్‌లో హిందువులు ఆందోళనలు నిర్వహించగా, కొన్ని ముస్లిం వర్గాలు కూడా వారికి మద్దతు తెలిపాయి. బాలికను ఆమె తల్లిదండ్రులకు అప్పగించాలని డిమాండ్ చేశాయి. కాగా, న్యాయస్థానం నిర్వహించి పరీక్షల్లో ఆమె వయసు కేవలం 15 సంవత్సరాల 8 నెలలుగా నిర్ధారణ అయ్యింది. గురువారం నాడు విచారణ పూర్తికావడంతో బాలికను లార్కానాలోని దారుల్ అమన్‌కు తరలించారని, కోర్టు శుక్రవారం తీర్పు వెలువరించనుందని లాయర్ నరైన్‌దాస్ తెలిపారు. భవిష్యత్తులో ఎలాంటి గందరగోళం లేకుండా మొత్తం విచారణను న్యాయస్థానం వీడియోలో చిత్రీకరించింది. మైనార్టీలైన హిందు, సిక్కు యువతిలను అపహరించిన బలవంతంగా మాతమార్పిడికి పాల్పడుతున్న ఘటనలు దాయాది దేశంలో సర్వసాధారంగా మారిపోయిన విషయం తెలిసిందే.
By February 07, 2020 at 11:00AM
No comments