రాజాంలో టెన్త్ బాలికపై బ్లేడ్‌తో దాడి.. బాత్రూమ్‌కి వెళ్లిన సమయంలో

జిల్లాలో సోమవారం దారుణం జరిగింది. రాజాంలోని రవీంద్ర భారతి విద్యావికాస్ స్కూల్‌లో పదో తరగతి విద్యార్థినిపై ఓ ఆగంతకుడు బ్లేడ్‌తో దాడి చేసి తీవ్రంగా గాయపరిచాడు. సోమవారం ఉదయం 8.30 గంటలకు స్కూల్‌కి వచ్చిన బాలిక బాత్రూమ్‌కి వెళ్లగా అక్కడ ఓ వ్యక్తి ఆమెపై బ్లేడ్‌తో దాడి చేశాడు. తీవ్ర రక్తస్రావంతో బాధితురాలు అక్కడే పడిపోగా తోటి విద్యార్థులు గమనించి స్కూల్ యాజమాన్యానికి చెప్పారు. Also Read: అయితే ఈ విషయం బయటకు తెలిస్తే స్కూల్‌ పరువు పోతుందనుకున్న నిర్వాహకులు ఆమెను గుట్టుగా ఇతర ప్రాంతానికి తీసుకెళ్లి చికిత్స అందించారు. సంఘటనా స్థలంలో ఉన్న రక్తపు మరకలను మాయం చేశారు. అయితే కాసేపటికే ఈ వార్త గ్రామంలో వ్యాపించి పోలీసులకు చేరింది. దీంతో పోలీసులు వెంటనే స్కూల్‌కి చేరుకుని టీచర్లు, స్టూడెంట్స్‌ని విచారించారు. సంఘటనా స్థలంలో ఆధారాలను మాయం చేసిన స్కూల్‌ యాజమాన్యం తీరుపై మండిపడ్డారు. స్కూల్ విద్యార్థినిపై దాడి జరిగితే పోలీసులకు ఎందుకు సమాచారం ఇవ్వలేదని నిలదీశారు. Also Read: సత్యవతిపై బ్లేడ్‌తో దాడికి పాల్పడింది ఎవరా? అని పోలీసులు దర్యాప్తు చేస్తున్నారు. ఆమెపై దాడి అనుకోకుండా జరిగిందా? లేక ఎవరైనా పథకం ప్రకారమే చేశారా? అని విచారిస్తున్నారు. ప్రేమ వ్యవహారం కోణంలోనూ దర్యాప్తు చేస్తున్నారు. టెన్త్ విద్యార్థినిపై బ్లేడ్ దాడి జరిగిందన్న వార్త రాజాంలో కలకలం రేపింది. Also Read:

By February 10, 2020 at 10:46AM

Read More https://telugu.samayam.com/latest-news/crime/unidentified-man-attacks-class-10th-girl-in-srikakulam-district/articleshow/74056835.cms