దుబాయ్: అగ్ని ప్రమాదంలో భార్యను రక్షించి తీవ్రంగా గాయపడిన భారతీయుడు మృతి
అగ్ని ప్రమాదం నుంచి భార్యను రక్షించబోయి తీవ్రంగా గాయపడిన భారతీయ సంతతి యువకుడు హాస్పిటల్‌లో చికిత్స పొందుతూ మృతిచెందాడు. కేరళకు చెందిన (32), అతడి భార్య నీనూ యూఏఈలోని అబుదాబిలో ఉంటున్నారు. గత సోమవారం అనిల్ ఇంటిలో అగ్ని ప్రమాదం చోటుచేసుకోగా.. నీనూ మంటల్లో చిక్కుకుంది. ఆమెను రక్షించడానికి చేసిన ప్రయత్నాల్లో అనిల్ తీవ్రంగా గాయపడ్డాడు. కారిడార్‌లో నీనూ ఉన్న సమయంలోనే మంటలు అంటుకోవడంతో బెడ్‌రూమ్‌లో ఉన్న అనిల్ తక్షణమే స్పందించి ఆమెను మంటల నుంచి కాపాడాడు. ఈ క్రమంలో అనిల్‌కు 90 శాతం గాయలు కాగా.. హాస్పిటల్‌లో సోమవారం కన్నుమూశాడు. ప్రస్తుతం అతడి భార్య నీనూ పరిస్థితి నిలకడగా ఉంది. ఆమె ప్రాణాపాయం నుంచి బయటపడినా, అనిల్ మృతిచెందడం బాధాకరం.. ఇది చాలా క్లిష్ట సమయం.. ఈ ఘటన తమను ఎంతో దిగ్భ్రాంతికి గురిచేసిందని బంధువులు కన్నీటిపర్యంతమవుతున్నారు. అగ్ని ప్రమాదానికి షార్ట్ సర్క్యూట్‌ కారణమని అనుమానిస్తున్నారు. ఈ ప్రమాదం గురించి తమకు పూర్తి వివరాలు తెలియదు, కానీ కారిడార్‌లో ఉన్న నీనూకి తొలుత మంటలు అంటుకున్నాయి.. ఆ సమయంలో పడక గదిలో ఉన్న అనిల్ వెంటనే స్పందించిన ఆమెను మంటల నుంచి కాపాడారని రస్ అల్ ఖైయామా‌లోని చర్చి ఫాదర్ సోజన్ థామన్ అన్నారు. వీరి నాలుగేళ్ల కుమారుడు కూడా ఈ ప్రమాదంలో గాయపడ్డాడు. ఆ బాలుడ్ని షేక్ ఖలీఫా జనరల్ హాస్పిటల్‌‌కు తరలించారు. పరిస్థితి విషమంగా ఉండటంతో మంగళవారం మఫ్రక్ హాస్పిటల్‌లో క్రిటికల్ కేర్‌కు తరలించి చికిత్స అందజేస్తున్నారు.
By February 17, 2020 at 01:06PM
No comments