వాలంటెన్స్‌ డే ముందురోజు విషాదం.. ప్రేయసి పెళ్లి రోజునే యువకుడి ఆత్మహత్య

వారిద్దరు ప్రాణానికి ప్రాణంగా ప్రేమించుకున్నారు. కులాలు వేరు కావడంతో పెద్దలు పెళ్లికి నో చెప్పారు. ఆమెకు బలవంతంగా మరొక వ్యక్తితో పెళ్లి నిశ్చయించారు. గురువారమే వివాహం చేసేందుకు ఏర్పాట్లు చేశారు. ఈ విషయం తెలుసుకున్న భగ్న ప్రేమికుడు ప్రేయసి పెళ్లిరోజే ఆత్మహత్య చేసుకున్నాడు ఈ విషాద ఘటన రంగారెడ్డి జిల్లా షాద్‌నగర్‌ రైల్వేస్టేషన్‌లో జరిగింది. Also Read: కొందుర్గు మండల కేంద్రానికి చెందిన విజయ్‌(24) షాద్‌నగర్‌ సమీపంలోని దూసకల్‌ రోడ్డులో కంపెనీలో పనిచేస్తున్నాడు. స్థానికంగా ఓ యువతిని ప్రేమించాడు. ఈ విషయం యువతి ఇంట్లో తెలియడంతో ఆమెకు వేరే వ్యక్తితో గురువారం పెళ్లి చేసేందుకు ఏర్పాట్లు చేశారు. ఈ విషయం తెలుసుకున్న విజయ్.. బుధవారం కంపెనీకి వెళ్తున్నట్లు ఇంట్లో చెప్పి బయటకు వెళ్లాడు. రాత్రయినా కొడుకు ఇంటికి రాకపోవడంతో ఆందోళన పడిన తల్లిదండ్రులు అతడి కోసం చుట్టుపక్కల వెతికినా ఫలితం లేకుండా పోయింది. Also Read: ఈ క్రమంలోనే గురువారం ఉదయం రైల్వేస్టేషన్‌ సమీపంలో యువకుడి మృతదేహం ఉన్నట్లు సమాచారం అందడంతో కాచిగూడ పోలీసులు అక్కడికి చేరుకున్నారు. మృతుడి చొక్కా జేబులో ఉన్న ఆధార్ కార్డు ఆధారంగా విజయ్‌గా గుర్తించి కుటుంబసభ్యులకు సమాచారం ఇచ్చారు. అతడు గురువారం తెల్లవారుజామున పురుగుల మందు తాగి పట్టాలపై పడుకుని ఆత్మహత్య చేసుకున్నట్లు పోలీసులు ప్రాథమికంగా నిర్ధారించారు. మృతదేహానికి షాద్‌నగర్‌ ప్రభుత్వ ఆసుపత్రిలో పోస్టుమార్టం నిర్వహించి కుటుంబసభ్యులకు అప్పగించారు. ప్రేమ విఫలం కావడంతో విజయ్ కొద్దిరోజులుగా మనస్తాపంగా ఉంటున్నాడని, అయితే ఇంతటి అఘాయిత్యానికి పాల్పడతాడని ఊహించలేదని తల్లిదండ్రులు, అతడి స్నేహితులు ఆవేదన వ్యక్తం చేస్తున్నారు. Also Read:

By February 14, 2020 at 09:35AM

Read More https://telugu.samayam.com/latest-news/crime/young-man-commits-suicide-in-shadnagar-over-love-failure/articleshow/74128092.cms