Nirbhaya Case: ముఖేష్ క్షమాభిక్ష పిటిషన్‌ను తిరస్కరించిన రాష్ట్రపతి

సస్పెన్స్ థ్రిల్లర్ సినిమాను తలపిస్తోంది. ఈ నెల 22న నలుగురు దోషుల్ని ఉరి తీయాలని కోర్టు ఆదేశించినా.. క్యూరేటివ్ పిటిషన్లతో కథ మళ్లీ మొదటికి వస్తోంది.. దీంతో మరణశిక్ష అమలుపై క్లారిటీ లేకుండా పోతోంది. అయితే తాజాగా ఈ కేసులో దోషి క్షమాభిక్ష పిటిషన్‌ను రాష్ట్రపతి రామ్‌నాథ్ కోవింద్ తిరస్కరించారు. నిర్భయ కేసులో క్షమాభిక్ష పెట్టాలని ముఖేష్ సింగ్ రాష్ట్రపతికి అప్పీల్ చేసుకున్నాడు. ఈ క్షమాభిక్ష పిటిషన్‌ను కేంద్ర హోంశాఖ రాష్ట్రపతి భవన్‌కు చేరింది.. దీనిని పరిశీలించిన ప్రెసిడెంట్ కోవింద్.. తిరస్కరించారు. ఇటు ఢిల్లీ ప్రభుత్వం కూడా రాష్ట్రపతి నిర్ణయం తీసుకునే వరకు తాము ఉరిశిక్ష అమలు చేయబోమని చెప్పిన సంగతి తెలిసిందే. ఇటు పాటియాలా హౌస్ కోర్టు కూడా క్షమాభిక్ష పిటిషన్‌పై నిర్ణయం తీసుకోలేదు కాబట్టి.. శిక్ష అమలుపై స్టే ఇచ్చింది. ఇదిలా ఉంటే రాష్ట్రపతి క్షమాభిక్స పిటిషన్‌పై నిర్ణయం తీసుకున్న తర్వాత ఉరి శిక్ష అమలు చేయడానికి 14 రోజుల సమయం అవసరమని ఢిల్లీ ప్రభుత్వం చెబుతోంది. కోర్టులో కూడా ఇవే వాదనల్ని వినిపించింది. రాష్ట్రపతి పిటిషన్‌ను తిరస్కరించడం ఆసక్తికరంగా మారింది. మరి ఈ నెల 22న దోషుల్ని ఉరి తీస్తారా లేదా అన్నదానిపై తీహార్ జైలు అధికారులు తేల్చాల్సి ఉంది. ఈ నిర్భయ ఘటన ఢిల్లీలో 2012 డిసెంబర్‌లో జరిగింది. బస్సులో నిర్భయపై ఆరుగురు అత్యాచారానికి ఒడిగట్టారు. తర్వాత ఆమెను రోడ్డుపై పడేసి వెళ్లిపోయారు.. స్థానికులు కొందరు గమనించిఆస్పత్రికి తరలించారు. కొద్ది రోజుల తర్వాత మెరుగైన చికిత్స కోసం ఆమెను సింగపూర్‌ తరలించారు. 13రోజుల పాటు మరణంతో పోరాడిన నిర్భయ చివరకు కన్నుమూసింది. ఈ కేసులో మొత్తం ఆరుగుర్ని కోర్టు దోషులుగా గుర్తించింది. వీరిలో ఒకరు తీహార్ జైల్లో ఆత్మహత్య చేసుకోగా.. మరో దోషి మైనర్ కావడంతో జువెనైల్ చట్టాల ప్రకారం మూడేళ్ల జైలు శిక్ష తర్వాత విడుదలయ్యాడు. మిగిలిన ముగ్గురు నిందితులు తీహార్ జైల్లో ఉన్నారు.

By January 17, 2020 at 12:36PM

Read More https://telugu.samayam.com/latest-news/india-news/president-kovind-rejects-nirbhaya-case-convicts-mukesh-singh-mercy-petition/articleshow/73321851.cms