JNU Violence: జేఎన్‌యూ దాడి మా పనే.. హిందూ రక్షాదళ్; భవిష్యత్తులోనూ దాడులు..
ఢిల్లీ: జేఎన్‌యూ విద్యార్థులు, అధ్యాపకులపై జనవరి 5న ముసుగులు ధరించిన దుండగులు విచక్షణా రహితంగా దాడి చేయడం దేశవ్యాప్తంగా సంచలనమైన సంగతి తెలిసిందే. ఈ దాడికి మీరు కారణమంటే.. మీరు కారణమంటూ.. ఏబీవీపీ, వామపక్ష విద్యార్థి సంఘాలు పరస్పరం ఆరోపణలు గుప్పించుకున్నాయి. కాగా జేఎన్‌యూ విద్యార్థులపై దాడికి బాధ్యతను ప్రకటించుకుంది. ఈ మేరకు భూపేంద్ర తోమర్ అలియాస్ పింకీ భయ్యా మాట్లాడిన వీడియో సోషల్ మీడియాలో వైరల్ అయ్యింది. హిందూ రక్ష దళ్ అధ్యక్షుడైన తోమర్.. దేశ వ్యతిరేక కార్యకలాపాలకు జవహర్‌లాల్ నెహ్రూ యూనివర్సిటీ కేంద్రంగా మారిందని ఆరోపించారు. దీన్ని సహించబోమన్న ఆయన.. జేఎన్‌యూపై దాడికి తాము పూర్తి బాధ్యత వహిస్తున్నామన్నారు. విద్యార్థులపై దాడి చేసింది తమ మనుషులేనన్నారు. దేశ వ్యతిరేక, హిందూ వ్యతిరేక కార్యకలాపాలకు పాల్పడే వారి పట్ల భవిష్యత్తులోనూ ఇలాగే వ్యవహరిస్తామని ఆయన హెచ్చరించారు. జేఎన్‌యూ కమ్యూనిస్టులకు అడ్డాగా మారిందని తోమర్ ఆరోపించారు. భారత మాతకు సేవ చేయడం కోసం తమవాళ్లు ప్రాణ త్యాగానికైనా సిద్ధంగా ఉన్నారని హిందూ రక్షాదళ్ అధ్యక్షుడు ప్రకటించారు. హిందు మతానికి వ్యతిరేకంగా మాట్లాడితే సహించేది లేదన్నారు. దేశ వ్యతిరేక కార్యకలాపాలకు పాల్పడొద్దంటూ ఆయన మిగతా యూనివర్సిటీలను హెచ్చరించారు. ‘‘దేశానికి వ్యతిరేకంగా జరిపే చర్యలను హిందూ రక్షాదల్ సహించదు. ఈ దేశంలో బతుకుతూ.. ఇక్కడి తిండి తింటూ.. మన విద్యాసంస్థల్లో చదువుకొంటుూ.. వాళ్లేం చేయాలనుకుంటున్నారు? ఇలాంటి వాటిని మేం సహించబోం. ఇలాంటి దేశ వ్యతిరేక చర్యలకు పాల్పడితే... వారికి ఇదే తరహా సమాధానం () చెబుతాం. భారత మాతకు వ్యతిరేకంగా పోరాడే వారికి ఈ దేశంలో ఉండే హక్కు లేదని’’ అని తోమర్ వ్యాఖ్యానించారు.
By January 07, 2020 at 12:53PM
No comments