Jana Sena: జేడీ లక్ష్మీనారాయణ రాజీనామా.. పవన్కు టీడీపీ నేత సపోర్ట్
సీబీఐ మాజీ జనసేన పార్టీకి రాజీనామా చేసిన సంగతి తెలిసిందే. పవన్ కళ్యాణ్ సినిమాల్లో నటించడమే తన రాజీనామాకు కారణమని ఆయన పేర్కొన్నారు. దీని వల్ల పవన్ విధానాల్లో నిలకడలేమి ఉందని అర్థం అవుతోందన్నారు. ఆయన రాజీనామాను ఆమోదించిన పవన్.. తాను సినిమాల్లో నటించడం అనివార్యమన్నారు. జనసేనకు రాజీనామా చేయడానికి లక్ష్మీనారాయణ చెప్పిన కారణాన్ని ఓ సాకుగా మాత్రమే భావిస్తున్నారు. కాగా పార్టీకి లక్ష్మీనారాయణ రాజీనామా చేయడంపై టీడీపీ నేత, మాజీ మంత్రి సోమిరెడ్డి చంద్రమోహన్రెడ్డి స్పందించారు. ఎన్టీఆర్, ఎంజీఆర్ లాంటి వాళ్లే రాజకీయాల్లోకి వచ్చాక కూడా సినిమాల్లో నటించారని ఆయన గుర్తు చేశారు. పవన్ నటిస్తే రాష్ట్రానికి వచ్చిన నష్టమేం లేదని సోమిరెడ్డి ట్వీట్ చేశారు. ‘‘లక్ష్మీ నారాయణ గారూ.. ఎన్టీఆర్, ఎంజీఆర్ లాంటి వాళ్లే రాజకీయాల్లోకి వచ్చాక కూడా కొన్ని సినిమాల్లో నటించడం చూశాం. పవన్ కల్యాణ్ ఒకటి, రెండు సినిమాల్లో నటిస్తే రాష్ట్రానికొచ్చిన నష్టమేం లేదు కానీ... రాజకీయ నాయకులు నిజ జీవితంలో నటిస్తేనే ప్రజాస్వామ్యానికి ప్రమాదం’’ అని సోమిరెడ్డి ట్వీట్ చేశారు. సోమిరెడ్డి ఇటీవలే బైపాస్ సర్జరీ చేయించుకున్నారు. ప్రస్తుతం ఆయన విశ్రాంతి తీసుకుంటున్నారు. ఈ మధ్యే చంద్రబాబు నాయుడు, గల్లా జయదేవ్, ఇతర టీడీపీ నేతలు హైదరాబాద్లోని సోమిరెడ్డి నివాసానికి వెళ్లి ఆయన్ను పరామర్శించారు.
By January 31, 2020 at 10:04AM
No comments