ప్రియురాలు మాట్లాడటం లేదని ఉరేసుకున్న లాయర్

వారిద్దరూ ప్రేమించుకున్నారు. పెద్దలు కూడా ఒప్పుకోవడంతో పెళ్లి కూడా వీరిద్దరికీ పెళ్లి చేయాలని నిశ్చయించారు. తర్వాత ప్రియురాలు అకస్మాత్తుగా మాట్లాడడం మానేయడంతో మనస్తాపం చెందిన ప్రియుడు ఉరేసుకుని చేసుకున్నాడు. పుదుచ్చేరిలో ఈ ఘటన చోటుచేసుకుంది. పోలీసులు, కుటుంబ సభ్యులు తెలిపిన వివరాల మేరకు.. పుదుచ్చేరిలోని కనకచెట్టి కుళం ప్రాంతానికి చెందిన సురేష్‌ (31) న్యాయవాదిగా వృత్తిలో కొనసాగుతున్నాడు. ‘లా’ కళాశాలలో చదువుతున్న సమయంలో సహ విద్యార్థినితో ప్రేమలో పడ్డాడు. వీరిద్దరూ చట్టాపట్టాలేసుకుని కొన్నాళ్లపాటు ప్రేమను కొనసాగించారు. తమ ప్రేమ వ్యవహారాన్ని తల్లిదండ్రులకు చెప్పగా, వారు కూడా అంగీకరించారు. దీంతో ఈ నెల 27న వీరిద్దరికి పెళ్లి చేయడానికి ఏర్పాట్లు ప్రారంభించారు. Also Read: ఈ నేపథ్యంలో సురేష్‌తో యువతి అకస్మాత్తుగా మాట్లాడటం మానేసింది. సురేష్ ఎన్నిసార్లు ఫోన్‌ చేసినా ఆమె స్పందించలేదు. దీంతో తీవ్ర మనస్తాపం చెందిన సురేష్‌ గురువారం రాత్రి ప్రియురాలికి వీడియో కాల్‌ చేసి, నువ్వు నాతో మాట్లాడటం మానేశావు కాబట్టి ఆత్మహత్య చేసుకుంటున్నానని చెబుతూ, ఆమె చూస్తుండగానే కుర్చీపై నిల్చుని తాడు బిగించుకుని సెల్‌ ఫోన్‌ కట్‌ చేశాడు. అయితే సరదాగా మాట్లాడాడని తేలిగ్గా తీసుకున్న యువతి, కొద్దిసేపటి తర్వాత అనుమానంతో సురేష్‌ ఇంటికి సమీపంలో నివసించే శివశక్తి అనే వ్యక్తికి ఫోన్‌ చేసి విషయాన్ని చెప్పింది. Also Read: వెంటనే శివశక్తి సురేష్‌ ఇంటికి వెళ్లి తల్లిదండ్రులకు ఈ సమాచారం తెలపగా, వారు తలుపుతట్టారు. అయితే ఎంతకూ తలుపులు తెరుచుకోకపోవడంతో పగులగొట్టి లోపలికి ప్రవేశించగా, సురేష్‌ ఉరికి వేలాడుతున్నాడు. వెంటనే అతడిని సమీపంలోని ప్రైవేటు ఆస్పత్రికి తీసుకువెళ్లగా అప్పటికే మృతి చెందినట్లు వైద్యులు ధ్రువీకరించారు. ఈలోపు కడలూరులో ఉంటున్న సదరు యువతి కూడా పుదుచ్చేరికి చేరుకోగా, పోలీసులు ఆమెను విచారిస్తున్నారు. ప్రియురాలు మాట్లాడకపోవడమే ఆత్మహత్యకు కారణమా, మరేదైనా ఉందా అని పోలీసులు విచారణ జరుపుతున్నారు. Also Read:

By January 04, 2020 at 11:25AM

Read More https://telugu.samayam.com/latest-news/crime/puducherry-lawyer-committed-to-suicide-due-to-lover-not-talk-to-him/articleshow/73094973.cms