ఎట్టకేలకు కశ్మీర్‌లో మొబైల్ ఇంటర్నెట్ సేవలు, కానీ..!

రద్దు తర్వాత కశ్మీర్‌లో నిలిచిపోయిన తిరిగి దాదాపు ఆరు నెలల తర్వాత శనివారం పునరుద్దరించారు. అయితే, 2జీ ఇంటర్నెట్ సేవలను మాత్రం అందుబాటులోకి వచ్చాయి. పోస్ట్-పెయిడ్‌తోపాటు ప్రీ-పెయిడ్ మొబైల్ సేవలను పునరుద్దరించినా, కేవలం జమ్మూకశ్మీర్ ప్రభుత్వం ఆమోదించిన 301 వెబ్‌సైట్‌లను మాత్రమే వినియోగించుకోవడానికి అనుమతించారు. ఈ మేరకు జమ్మూ కశ్మీర్‌కు చెందిన హోం శాఖ శనివారం ఉత్తర్వులు జారీచేసింది. మొబైల్‌లో 2జీ స్పీడ్‌తో ఇంటర్నెట్ అందుబాటులోకి వచ్చినట్టు తెలిపింది. ప్రభుత్వం అనుమతించిన వైబ్‌సైట్‌లకు మాత్రమే యాక్సెస్ పరిమితం చేసిన అధికారులు.. సోషల్ మీడియా అప్లికేషన్లపై ఆంక్షలు తొలగించారు. పోస్ట్‌-పెయిడ్, ప్రీ-పెయిడ్ సిమ్ కార్డులలో డేటా సేవలు అందుబాటులో ఉంటాయని తెలిపారు. జమ్మూ ప్రాంతంలో 2జీ ఇంటర్నెట్ సేవలు, ప్రభుత్వం ఆమోదించిన వెబ్‌సైట్‌లను పునరుద్దరించాలని ఆదేశాలు వెలువరించిన వారంలోనే ఈ చర్యలు తీసుకున్నారు. బ్యాంకింగ్, ఎడ్యుకేషన్, న్యూస్, ట్రావెల్, ఉద్యోగ సంబంధ సహా పలు ప్రభుత్వ వెబ్‌సైట్‌లు ఇందులో ఉన్నాయి. కశ్మీర్‌లో విధించిన ఆంక్షలను సవాల్ చేస్తూ దాఖలైన పిటిషన్లపై జనవరి 10న తీర్పు వెలువరించిన సర్వోన్నత న్యాయస్థానం ఇంటర్నెట్ సేవలు నిలిపివేయడంపై అసహనం వ్యక్తం చేసింది. సుప్రీంకోర్టు ఆదేశాలు వెలువరించిన రెండు వారాల తర్వాత కశ్మీర్‌లో ఇంటర్నెట్ సేవలను పునరుద్ధరించడం విశేషం. భావవ్యక్తీకరణ స్వేచ్ఛలో అంతర్జాలాన్ని ఉపయోగించుకునే హక్కు కూడా ఉందని న్యాయస్థానం అభిప్రాయపడింది. కశ్మీర్‌ చాలా హింసను ఎదుర్కొందని, మానవ హక్కులు, భద్రతా సమస్యలను సమతుల్యం చేయడం తమ విధి.. జమ్మూకశ్మీర్‌లో విధించిన అన్ని ఆంక్షలపై వారంలోగా సమీక్షించాలని ఆదేశించింది. ఇంటర్నెట్‌ సేవలను శాశ్వతంగా నిలిపివేయడానికి అనుమతించబోమని, వాటిని పరిమితం చేయడం లేదా నిలిపివేయడం న్యాయ సమీక్షకు లోబడి ఉండాలని సూచించింది. ఇంటర్నెట్‌ ప్రాముఖ్యతను తక్కువగా అంచనా వేయలేమని, ఇటీవల కాలంలో భావ ప్రకటనకు అదొక సాధనంగా మారిందని జస్టిస్‌ ఎన్వీ రమణ పేర్కొన్నారు. 144 సెక్షన్‌ను ఎక్కువగా విధించడం అధికారాన్ని దుర్వినియోగం చేసినట్లేనని కోర్టు వ్యాఖ్యానించింది.

By January 25, 2020 at 01:24PM

Read More https://telugu.samayam.com/latest-news/india-news/after-remaining-shut-for-six-months-2g-internet-services-restored-in-kashmir/articleshow/73607077.cms