సేవలు చేయలేక.. కన్న తల్లి గొంతు కోసిన కొడుకు

అందరు అమ్మల్లాగే, బిడ్డ గర్భంలో తన్నుతుంటే ఆ తల్లి బాధపడలేదు.. మురిసిపోయింది. గర్భాన్ని జాగ్రత్తగా కాపాడుకుని నవ మాసాలు మోసి బిడ్డకు జన్మనిచ్చింది. తన రక్తాన్ని పాలగా మార్చి చిన్నారికి పట్టింది. చిన్నప్పుడు చేసే అల్లరిని భరించింది. తను పస్తులుండైనా బిడ్డ కడుపు నింపింది. ఇంట్లో గొడ్డు చాకిరీ చేసి పిల్లాడికి ఎలాంటి కష్టం రాకుండా చూసుకుంది. ఎదిగే చిన్నారిని గుండెలో పెట్టుకుని పెంచుకుని పెద్ద చేసుకుంది. కానీ, పేగు తెంచుకుని పుట్టిన ఆ చిన్నారి.. రెక్కలొచ్చాక తల్లి పీక తెగ్గోసే రాక్షసుడిగా మారాడు. వృద్ధాప్య దశలో సంరక్షకుడు కావాల్సిన ఆ బిడ్డ.. నయ వంచకుడిగా మారి ఆ తల్లి చేసిన త్యాగాల ‘గొంతు కోశాడు’. Also Read: ఈ దారుణ ఘటన తూర్పుగోదావరి జిల్లా ఎటపాక మండలం తోటపల్లిలో సోమవారం చోటు చేసుకుంది. వృద్ధురాలైన తల్లి భారం అవుతోందని భావించి, సేవలు చేయలేక హతమార్చాడు. చింతూరు డీఎస్పీ ఖాదర్‌బాషా, ఎటపాక సీఐ హనీష్‌బాబు తెలిపిన వివరాల మేరకు.. తోటపల్లికి చెందిన బోపిరెడ్డి ముత్తమ్మ (70), ముక్కయ్య దంపతులకు ఇద్దరు కుమారులు, ఒక కుమార్తె. ఒక కొడుకు, కూతురికి వివాహాలు అయ్యాయి. దీంతో భర్త ముక్కయ్య, చిన్న కుమారుడు నాగులుతో కలిసి ముత్తమ్మ ఉంటోంది. ముత్తమ్మ వయసు మీద పడటంతో తరచూ అనారోగ్యానికి గురవుతోంది. వైద్యానికి డబ్బు ఖర్చవుతోందని, ఆర్థిక సమస్యలతో సతమతం అవుతున్నానని తరచూ తల్లితో నాగులు గొడవకు దిగేవాడు. ఈ నేపథ్యంలో కొంతకాలంగా తల్లి పూర్తిగా మంచానికే పరిమితమైంది. దీంతో ఆమెకు సేవలు చేయలేక నాగులు తరచూ విసుక్కునేవాడు. Also Read: ఈ నేపథ్యంలో సోమవారం ఉదయం తండ్రి కట్టెలు తెచ్చేందుకు వెళ్లడంతో అదే అదనుగా భావించిన నాగులు కత్తితో తల్లి గొంతు కోసి హతమార్చాడు. అనంతరం తనకు ఏమీ తెలియనట్లు నటించాడు. స్థానికుల సమాచారంతో పోలీసులు సంఘటన స్థలానికి చేరుకుని పరిశీలించారు. తల్లిని చంపిన నిందితుడిని అదుపులోకి తీసుకున్నారు. పోస్టుమార్టం నిమిత్తం ముత్తమ్మ మృతదేహాన్ని భద్రాచలం ఆస్పత్రికి తరలించారు. ఈ సంఘటనపై పోలీసులు కేసు నమోదు చేశారు. Also Read:

By January 14, 2020 at 02:06PM

Read More https://telugu.samayam.com/latest-news/crime/east-godavari-son-killed-mother-due-to-her-ageing/articleshow/73245255.cms