అమరావతి, మూడు రాజధానులపై కేంద్ర మంత్రి ఆసక్తికర వ్యాఖ్యలు
ఆంధ్రప్రదేశ్‌లో ప్రస్తుతం మూడు రాజధానుల అంశంపై తీవ్రమైన చర్చ జరుగుతోంది. పరిపాలనా రాజధానిగా విశాఖ, లెజిస్లేటివ్ రాజధానిగా అమరావతి, జ్యుడీషియల్ క్యాపిటల్‌గా కర్నూలును చేస్తారనే ప్రచారం ఊపందుకుంది. ఈ నేపథ్యంలో కేంద్ర హోం శాఖ సహాయ మంత్రి జి ఆసక్తికర వ్యాఖ్యలు చేశారు. హైదరాబాద్‌లో గురువారం పౌరసత్వ సవరణ చట్టం, మూడు రాజధానుల అంశంపై ఆయన స్పందించారు. ఏపీకి అంటున్నారని.. విషయంలో రాష్ట్ర ప్రభుత్వం స్పష్టమైన వైఖరిని వెల్లడించాలని కిషన్ రెడ్డి డిమాండ్‌ చేశారు. ఇండియా మ్యాప్‌లో ఆంధ్రప్రదేశ్ రాజధానిగా అమరావతిని చేర్చిన విషయంలో తాను చేయాల్సింది చేశానని గుర్తుచేశారు. ఏపీ రాజధాని విషయంలో ప్రధాన మంత్రి, హోం మంత్రిలతో మాట్లాడి అమరావతికి భారతీయ చిత్రపటంలో గుర్తింపు వచ్చేలా తన వంతు కృషిచేశానని అన్నారు. దీనిపై కేంద్ర ప్రభుత్వ అధికారులతో సమావేశాలు ఏర్పాటుచేసినట్టు ఆయన తెలిపారు. కాగా, రాష్ట్ర ప్రభుత్వం కూడా కమిటీ వేశామని చెబుతోందని, రాజధానిపై ప్రభుత్వం అధికారిక నిర్ణయం తీసుకుని.. విధివిధానాలు వెల్లడించిన తర్వాత బీజేపీ అభిప్రాయం చెబుతామన్నారు. దీనిపై బీజేపీ రాష్ట్ర, జాతీయస్థాయి నాయకత్వంతో చర్చించి పార్టీపరంగా తమ అభిప్రాయాన్ని వెల్లడిస్తామని కిషన్ రెడ్డి స్పష్టం చేశారు. అప్పటివరకు ఏపీ బీజేపీ నేతలు సంయమనం పాటించాలని కేంద్ర మంత్రి సూచించారు. రాజధాని అంశం రాష్ట్ర పరిధిలో ఉంటుంది.. కానీ మూడు రాజధానులు అనే అంశాన్ని ఎలా అమలు చేయబోతున్నారు... దీని విధి విధానాలేమిటి.. అన్న అంశాలపై స్పష్టత వచ్చిన తర్వాత కేంద్ర మంత్రిగా తాను స్పందిస్తానని కిషన్‌రెడ్డి వ్యాఖ్యానించారు.
By January 03, 2020 at 09:44AM
No comments