మహిళా ఎమ్మెల్యే ఇంట్లో మూడు శునకాల హత్య

మహిళా ఎమ్మెల్యే అల్లారుముద్దుగా పెంచుకుంటున్న మూడు శునకాలకు విషమిచ్చి చంపేశారు దుండగులు. ఈ ఘటన తమిళనాడులోని జిల్లాలో చోటుచేసుకుంది. వీరపాండి నియోజకవర్గ ఎమ్మెల్యే అయిన మనోన్మణి పనమరత్తుపట్టి యూనియన్‌ పారపట్టిలో కుటుంబంతో కలిసి నివసిస్తున్నారు. నూతన సంవత్సరం సందర్భంగా బుధవారం ఆమె కుటుంబసభ్యులతో కలిసి సమీపంలోని ఆలయానికి వెళ్లారు. Also Read: అక్కడ ప్రత్యేక పూజలు నిర్వహించి మధ్యాహ్నానికి అందరూ ఇంటికి చేరుకునేసరికి మూడు పెంపుడు శునకాలు మృతిచెంది ఉన్నాయి. దీంతో ఎమ్మెల్యే వెంటనే పోలీసులకు సమాచారం ఇచ్చారు. వెటర్నరీ వైద్యులతో కలిసి మల్లూరు పోలీసులు కాసేపటికే అక్కడికి చేరుకున్నారు. పోస్టుమార్టం రిపోర్టులో వాటికి విషమిచ్చి వాటిని చంపినట్లు తేలడంతో పోలీసులు కేసు నమోదు చేసుకుని దర్యాప్తు చేపట్టారు. ఎమ్మెల్యే ఇంటి సమీపంలోని సీసీ కెమెరాల ఫుటేజీలను పరిశీలిస్తున్నారు. Also Read: ప్రస్తుతం మనోన్మణి పెద్ద కుమారుడు పనమరత్తుపట్టి యూనియన్‌ కౌన్సిలర్‌ పదవికి పోటీ చేశారు. దీంతో ప్రత్యర్థులు ఎవరైనా శునకాలను చంపి ఆయన్ను బెదిరించడానికి ప్రయత్నించారా? అన్న కోణంలో పోలీసులు దర్యాప్తు చేస్తున్నారు. కేసు విచారణలో ఉందని, నిందితులను వీలైనంత త్వరగా గుర్తించి పట్టుకుంటామని పోలీసులు తెలిపారు. Also Read:

By January 03, 2020 at 09:44AM

Read More https://telugu.samayam.com/latest-news/crime/tamilnadu-mla-manonmani-3-dogs-poisoned-death-case-filed/articleshow/73078730.cms