విజయవాడలో కీచకుడు.. ప్రేమించకపోతే బ్లేడ్‌తో కోస్తానంటూ వేధింపులు

విజయవాడలో మైనర్ బాలికను ప్రేమ పేరుతో వేధిస్తున్న కామాంధుడిని పోలీసులు అరెస్ట్ చేశారు. రామరాజ్యనగర్‌ పాత రైల్వేకట్ట వద్ద ఓ బాలిక (15) అమ్మానాన్నలతో కలిసి ఉంటోంది. తండ్రి ఆటోడ్రైవర్‌గా పని చేస్తున్నాడు. అందరిలా ఉన్నత చదువులు చదువుకోవాలని ఉన్నా ఆర్థిక పరిస్థితుల కారణంగా ఏడో తరగతి వరకే చదివి మానేసింది. కొంతకాలంగా స్థానికంగా ఉండే రసూల్ అనే యువకుడు ఆమెపై కన్నేసి వేధింపులకు గురిచేస్తున్నాడు. తనను ప్రేమించకపోతే బ్లేడ్ గొంతు కోసుకుని చనిపోతానని బెదిరిస్తున్నాడు. Also Read: అతడి వేధింపులకు బాలిక లొంగకపోవడంతో ఆమెనే చంపేస్తానని బెదిరించడం మొదలుపెట్టాడు. దీంతో భయపడిన బాలిక ఈ విషయాన్ని తండ్రికి చెప్పి కన్నీరు పెట్టుకుంది. దీంతో ఆమె తండ్రి రసూల్‌ని నిలదీశాడు. అయితే అతడికి మద్యం అలవాటు ఉన్నట్లు తెలుసుకున్న రసూల్.. రోజూ మద్యం తాగిస్తూ స్నేహాన్ని పెంచుకున్నాడు. దీంతో బాలిక వేదన అరణ్య రోదనగానే ఉండిపోయింది. బుధవారం సాయంత్రం బాలిక ఇంటికి వచ్చిన రసూల్ ప్రేమించాలంటూ వేధించాడు. లేకపోతే బ్లేడ్‌తో అక్కడే కోసుకుని ఆత్మహత్య చేసుకుంటానని బెదిరించాడు. బాలిక తండ్రి అక్కడే ఉన్నప్పటికీ స్పందించలేదు. Also Read: అక్కడి నుంచి తప్పించుకున్న బాలిక తల్లికి ఈ విషయాన్ని చెప్పింది. దీంతో ఆమె నేరుతో డయల్ 100కి ఫోన్ చేసి విషయం చెప్పడంతో పోలీసులు రంగంలోకి దిగారు. కాసేపటికే అక్కడికి చేరుకుని రసూల్‌ను అదుపులోకి తీసుకుని స్టేషన్‌కు తరలించారు. అతడిపై పోక్సో చట్టం కింద కేసు నమోదు చేసుకుని దర్యాప్తు చేపట్టారు. Also Read:

By January 17, 2020 at 11:42AM

Read More https://telugu.samayam.com/latest-news/crime/young-man-arrested-in-vijayawada-over-sexual-harassment-on-minor-girl/articleshow/73320430.cms