బీజేపీ ఎంపీ తేజస్వి సూర్య, హిందూ నేతల హత్యకు కుట్ర.. విచారణలో సంచలనాలు

నగరంతో పాటు కర్ణాటక వ్యాప్తంగా మత కలహాలు సృష్టించేందుకు పన్నిన కుట్రను పోలీసులు ఛేదించారు. బెంగళూరు దక్షిణ , ‘యువ బ్రిగేడ్‌’ వ్యవస్థాపకుడు చక్రవర్తి సొలిబెలెలను హత్య చేసేందుకు ప్రయత్నించిన ఆరుగురు అనుమానితులను కర్ణాటక పోలీసులు అదుపులోకి తీసుకున్నారు. పౌరసత్వ సవరణ చట్టాని (సీఏఏ)కి మద్దతుగా డిసెంబరు 22న బెంగళూరులోని టౌన్‌హాల్‌ వద్ద నిర్వహించిన బహిరంగ సభలో వీరిద్దరూ పాల్గొన్నారు. Also Read: ఈ సమావేశంలోనే వీరిద్దరు నేతలను హత్య చేసేందుకు కుట్రపన్నినట్లు బెంగళూరు నగర కమిషనర్ భాస్కరరావు శుక్రవారం వెల్లడించారు. సభ సందర్భంగా ఆరెస్సెస్ కార్యకర్త వరుణ్‌పై దాడికి దిగిన విషయం తెలిసిందే. ఎంపీ , చక్రవర్తిలపై హత్యాయత్నంలో భాగంగానే వరుణ్‌పై దాడికి దిగినట్లు పోలీసులు తెలిపారు. సోషియల్‌ డెమోక్రటిక్‌ పార్టీ ఆఫ్‌ ఇండియా (ఎస్‌డీపీఐ) సభ్యులుగా ఉంటూ ఆ ఆరుగురూ ఇలాంటి చర్యలకు పాల్పడుతున్నట్లు పోలీసులు వెల్లడించారు. ఇర్ఫాన్‌, సయ్యద్‌ అక్బర్‌, అక్బర్‌ బాషా, సయ్యద్‌ సిద్ధిఖీ అక్బర్‌, సనావుల్లా షరీఫ్‌, సాధిక్‌ ఉల్‌ అమీన్‌లను అదుపులోకి తీసుకున్నట్లు తెలిపారు. Also Read: వీరిలో ఆర్‌టీ నగర శాంపుర మెయిన్‌రోడ్డు నివాసి ఇర్ఫాన్‌ అలియాస్‌ మహ్మద్‌ ఇర్ఫాన్ టైలర్‌గానూ, ఆర్‌టీ నగర భువనేశ్వరినగరకు చెందిన సయ్యద్‌ అక్బర్‌ అలియాస్‌ మెకానిక్‌ అక్బర్ మెకానికల్ వర్కర్‌గా, కేజీ హళ్లి గోవిందపుర, గాంధీనగరకు చెందిన అక్బర్‌బాషా అక్బర్ ఓ కంపెనీలో డెలివరీ బాయ్‌గా, లింగరాజపురకు చెందిన సయ్యద్‌ సిద్ధిఖీ అక్బర్ సివిల్‌ కాంట్రాక్టర్‌గా, ఆర్‌టీ నగర శాంపుర మెయిన్‌రోడ్డుకు చెందిన సన అలియాస్‌ సనావుల్లా షరీఫ్‌ ఎలక్ట్రికల్‌ ఇంటీరియల్‌ పనులు, శివాజీనగర చాందినీచౌక్‌కు చెందిన సాధిక్‌ ఉల్‌ అమీన్‌ అలియాస్‌ సౌండ్‌ సాధిక్‌ సౌండ్‌సిస్టమ్స్‌ దుకాణంలో పనిచేసేవారని పోలీసులు తెలిపారు. వీరంతా తమ వృత్తుల్లో కొనసాగుతూ మరో వైపు ఎస్‌డీపీఐ కార్యకర్తలుగా చలామణిలో ఉన్నారు. వీరంతా బెంగళూరు నగరంతో పాటు రాష్ట్ర వ్యాప్తంగా అలజడి సృష్టించేందుకు కుట్ర పన్నినట్లు కమిషనర్‌ వివరించారు. Also Read: తీవ్రంగా ఖండించిన మంత్రివర్గంఎస్‌డీపీఐ సభ్యుల వ్యవహారాలను కర్ణాటక రాష్ట్ర మంత్రివర్గం తీవ్రంగా పరిగణించింది. శుక్రవారం నిర్వహించిన మంత్రివర్గ సమావేశంలో ఈ సంస్థను రద్దు చేయాలని పలువురు మంత్రులు డిమాండ్‌ చేశారు. శనివారం కర్ణాటకకు వస్తున్న కేంద్ర హోం మంత్రి అమిత్‌ షాతో ఈ విషయంపై చర్చించాలని ముఖ్యమంత్రిని కోరారు. అలాగే కర్ణాటక టూరిజం శాఖ మంత్రి సీటీ రవి నిందితుల వివరాలను ట్వీట్ చేస్తూ కుట్రను ఛేదించినందుకు పోలీసులకు అభినందనలు తెలిపారు. ఎస్‌డీపీఐ సంస్థను నిషేధించాలని డిమాండ్ చేశారు.

By January 18, 2020 at 10:33AM

Read More https://telugu.samayam.com/latest-news/crime/bangalore-radical-islamic-organisation-members-planned-to-kill-bjp-mp-tejasvi-surya-and-others-during-pro-caa-rally/articleshow/73349738.cms