యువతి వెన్నులో బుల్లెట్... సంచలనం విషయం వెలుగులోకి

నగరంలో కలకలం రేపిన యువతి వెన్నులో బుల్లెట్ కేసు కొత్త మలుపు తిరిగింది. వెన్నునొప్పితో నిమ్స్ ఆస్పత్రిలో చేరిన ఆస్మా బేగం (19) అనే యువతి శరీరంలో బుల్లెట్‌ను గుర్తించిన డాక్టర్ సర్జరీ చేసి దాన్ని వెలికితీసిన సంగతి తెలిసిందే. దీంతో ఉలిక్కిపడిన పోలీసులు దీనిపై దర్యాప్తు చేపట్టారు. ఈ క్రమంలోనే ఈ ఘటనలో మరో కోణం బయటపడింది. Also Read: అస్మా బేగం తండ్రి నజీర్ కింగ్స్ ఫంక్షన్ హాల్‌లో కొన్నాళ్లుగా వాచ్‌మెన్‌గా పనిచేస్తున్నాడు. గతంలో కింగ్స్ ఫంక్షన్ హాల్ యజమాని షానవాజ్ కొడుకు జుబేర్ ఓ పెళ్లి బారాత్‌లో కాల్పులు జరిపాడు. దీనిపై మైలార్‌దేవ్‌పల్లి పోలీస్‌స్టేషన్‌లో కేసు నమోదైంది. అస్మా బేగం కేసుతో ఆ ఘటన మరోసారి వెలుగులోకి వచ్చింది. దీంతో సౌత్‌జోన్ టాస్క్‌ఫోర్స్ పోలీసులు అస్మా బేగం కుటుంబసభ్యులను విచారిస్తున్నారు. రెండు సంవత్సరాల క్రితం నాటు తుపాకీతో చోటుచేసుకున్న కాల్పుల్లో భాగంగానే బుల్లెట్ అస్మా శరీరంలోకి దూసుకెళ్లినట్లు పోలీసుల విచారణలో వెల్లడైనట్లు తెలుస్తోంది. Also Read: అప్పుడు రక్తస్రావాన్ని అరికట్టేందుకు, నొప్పి తగ్గేందుకు అస్మాకు నాటువైద్యం చేయించినట్లు పోలీసులు అనుమానిస్తున్నారు. ఈ విషయాన్ని అస్మాతో పాటు కుటుంబసభ్యులు కూడా మరిచిపోయారు. అయితే ఇటీవల ఆమెకు వెన్నులో నొప్పి రావడంతో నిమ్స్‌కు తీసుకెళ్లగా అక్కడ బుల్లెట్ ఉన్నట్లు తేలింది. అస్మాలో శరీరంలోకి బుల్లెట్ దిగినట్లు తెలిసి కూడా కుటుంబసభ్యులు ఎందుకు దాచిపెట్టారన్నది ఇప్పుడ సస్పెన్స్‌గా మారింది. దీంతో పోలీసులు వారిని అన్ని కోణాల్లో విచారిస్తున్నారు. Also Read:

By December 24, 2019 at 01:13PM

Read More https://telugu.samayam.com/latest-news/crime/bullet-found-lodged-in-womans-back-hyderabad-police-questioning-her-parents/articleshow/72951354.cms