నల్లగా ఉందని వెక్కిరింపు.. మనస్తాపంతో యువతి ఆత్మహత్య

‘పెళ్లికి ముందు నల్లగా ఉండేది. పెళ్లయిన తర్వాత తెల్లగా అయ్యింది. ఫెయిర్‌ అండ్‌ లవ్లీ వాడుతున్నావా’ అని బావ పరిహాసమాడటంతో మనస్తాపానికి గురైన ఓ యువతి రైలు కింద పడి కు పాల్పడింది. తెలంగాణలోని ముషీరాబాద్‌ పోలీస్‌స్టేషన్‌ పరిధిలో సోమవారం ఈ ఘటన వెలుగులోకి వచ్చింది. మహబూబాబాద్‌ జిల్లా, తొర్రూర్‌ మండలం, గుర్తూర్‌ గ్రామానికి చెందిన శిరీషకు వరంగల్‌ రూరల్‌ జిల్లా, వర్ధన్నపేట మండలం, ల్యాబర్తి గ్రామానికి చెందిన వినయ్‌కుమార్‌తో 6 నెలల క్రితం వివాహం జరిగింది. శిరీష బీటెక్‌ చేసి ఉద్యోగాన్వేషణలో ఉండగా, వినయ్‌కుమార్‌ చిక్కడపల్లి మోర్‌ సూపర్‌ మార్కెట్‌లో స్టోర్‌ మేనేజర్‌గా పనిచేస్తున్నాడు. ఇద్దరూ గాంధీనగర్‌లోని సాయిరాం అపార్ట్‌మెంట్‌లో నివాసం ఉంటున్నారు. Also Read: పెళ్లి చూపుల్లో వీరి ఇంట్లోనే ఈ నెల 14న వినయ్‌కుమార్‌ మేనకోడలు పెళ్లిచూపులు జరిగాయి. ఈ సందర్భంగా వినయ్‌కుమార్‌ సోదరుడు.. ‘పెళ్లికాకముందు శిరీష ముఖం నల్లగా ఉండేదని, పెళ్లయిన తర్వాత తెల్లగా అయిందని, ఫెయిర్‌ అండ్‌ లవ్లీ వాడుతున్నావా’ అని శిరీషను ఉద్దేశించి అనడంతో అందరూ ఫక్కున నవ్వారు. దీంతో ఆమె తీవ్ర మనస్తాపానికి లోనైంది. ఇదే విషయంపై భర్తతో గొడవపడిన శిరీష మధ్యాహ్నం పుట్టింటికి వెళుతున్నట్లు చెప్పి బయటకు వెళ్లింది. రైలు కింద పడి ఆత్మహత్య శిరీషను బతిమాలుతూ వినయ్ గోల్కొండ క్రాస్‌రోడ్స్‌ వరకు వెళ్లాడు. అయినా ఆమె వినకపోవడంతో వెనక్కు తిరిగి వచ్చాడు. అనంతరం శిరీష పుట్టింటికి వెళ్లకుండా తెలిసినవారి వద్ద రూ. 100 తీసుకొని సికింద్రాబాద్‌ వెళ్లి అక్కడి నుంచి వరంగల్‌ వెళ్లే రైలు ఎక్కింది. అనంతరం ఘట్‌కేసర్, బీబీనగర్‌ స్టేషన్ల మధ్య ఔషాపూర్‌ గ్రామ సమీపంలో రైలు కిందపడి ఆత్మహత్యకు పాల్పడింది. స్థానికుల సమాచారంతో సంఘటనా స్థలానికి చేరుకున్న పోలీసులు గుర్తుతెలియని మృతదేహంగా కేసు నమోదు చేసుకొని మృతదేహాన్ని గాంధీ ఆస్పత్రిలో భద్రపరిచారు. Also Read: అయితే శిరీష పుట్టింటికి చేరుకోలేదని తెలియడంతో ఆమె భర్త వినయ్‌ ఈ నెల 15న ముషీరాబాద్‌ పోలీస్‌స్టేషన్‌లో ఫిర్యాదు చేశాడు. విచారణలో భాగంగా పోలీసులు యువతి మిస్సింగ్‌పై అన్ని పోలీస్‌స్టేషన్లకు సమాచారం అందించారు. రైల్వే పోలీసుల ఇచ్చిన సమాచారాన్ని యువతి బంధువులకు అందించడంతో వారు మృతురాలు శిరీషగా గుర్తించారు. అదనపు కట్నం కోసం వేధింపులు? అదనపు కట్నం కోసం వినయ్‌ కుటుంబ సభ్యులు తమ కుమార్తెను వేధించేవారని శిరీష తండ్రి లక్ష్మయ్య ఆరోపించారు. అందులో భాగంగానే తక్కువ చేసి మాట్లాడటంతో ఆమె మనస్తాపానికి లోనై ఆత్మహత్యకు పాల్పడిందని పేర్కొన్నారు. ఈ మేరకు లక్ష్మయ్య ఇచ్చిన ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. Also Read:

By December 17, 2019 at 01:03PM

Read More https://telugu.samayam.com/latest-news/crime/telangana-woman-commits-suicide-over-railway-track/articleshow/72825845.cms