కోరిక తీర్చాలంటూ వేధింపులు.. ఒప్పుకోకపోవడంతో వివాహితను కత్తితో

వివాహేతర సంబంధం పెట్టుకోవడానికి నిరాకరించిందన్న కక్షతో ఓ వ్యక్తి వివాహితపై హత్యాయత్నం చేసిన ఘటన రంగారెడ్డి జిల్లా హయత్‌నగర్‌ పరిధిలో జరిగింది. అబ్దుల్లాపూర్‌మెట్‌ మండలానికి చెందిన మహిళ భర్త కొన్నాళ్ల క్రితం చనిపోవడంతో ప్రస్తుతం ఆమె మన్సూరాబాద్‌లో నివాసముంటోంది. ఒంటరిగా జీవిస్తున్న ఆమె గతంలో అదే ప్రాంతానికి చెందిన నారంబాబు గౌడ్‌ అనే వ్యక్తితో సన్నిహితంగా ఉండేది. Also Read: అయితే కొద్దికాలంగా ఆమె అతడిని దూరం పెట్టింది. ప్రియురాలి ఎడబాటును తట్టుకోలేకపోయిన నారంబాబు వివాహేతర సంబంధం కొనసాగించాలంటూ ఆమెపై ఒత్తిడి తెస్తున్నాడు. తనకు ఇష్టం లేదని ఆమె చెబుతున్నా వెంటపడి వేధించేశాడు. దీంతో బాధితురాలు పోలీసులకు ఫిర్యాదు చేయగా అతడిని అరెస్ట్ చేసి జైలుకు పంపారు. జైలు నుంచి వచ్చిన తర్వాత ఇదే విషయమై పెద్ద మనుషల మధ్య పంచాయతీ జరగగా ఆమె వెంటపడనని నారంబాబు హామీ ఇచ్చాడు. Also Read: అయితే బుధవారం ఆ మహిళ ఇంటికి వెళ్లిన నారంబాబు కోరిక తీర్చాలంటూ వేధించాడు. ఆమె ససేమిరా అనడంతో వెంట తెచ్చుకున్న కత్తితో తలపై దాడి చేశాడు. బాధితురాలు కేకలు వేయడంతో నిందితుడు అక్కడి నుంచి పరారయ్యాడు. స్థానికులు ఆమెను వెంటనే ఆస్పత్రికి తరలించి చికిత్స చేయించడంతో ప్రాణాపాయం నుంచి బయటపడింది. బాధితురాలి ఫిర్యాదుతో పోలీసులు కేసు నమోదు చేసుకుని దర్యాప్తు చేపట్టారు. నిందితుడిని పోలీసులు అదుపులోకి తీసుకుని విచారిస్తున్నారు. బాధితురాలు తనకు రూ.మూడు లక్షలు బాకీ ఉందని నారంబాబు పోలీసులకు చెప్పినట్లు తెలుస్తోంది. ఎన్నో రోజులుగా బాకీ తిరిగివ్వాలని అడుగుతున్నా పట్టించుకోకపోవడంతో బుధవారం ఇంటికి వెళ్లి అడగ్గా దుర్భాషలాడిందని, అందుకే కోపంతో దాడికి పాల్పడినట్లు నిందితుడు చెప్పినట్లు పోలీసులు తెలిపారు. Also Read:

By December 19, 2019 at 11:23AM

Read More https://telugu.samayam.com/latest-news/crime/hyderabad-man-try-to-kill-woman-over-she-refuses-illegar-affair-with-him/articleshow/72880742.cms