అదరగొడుతున్న `అసురన్‌`.. నేషనల్‌ అవార్డు గ్యారెంటీనా!

కమర్షియల్ సినిమాలతో పాటు ప్రయోగాత్మక చిత్రాలకు కూడా ఎప్పుడూ ముందుండే కోలీవుడ్ స్టార్ హీరో ధనుష్‌. కెరీర్‌ స్టార్టింగ్‌ నుంచి విభిన్న చిత్రాలు చేస్తూ వస్తున్న ఈ స్టార్ హీరో తాజాగా అసురన్‌గా ప్రేక్షకుల ముందుకు వచ్చాడు. వెట్రిమారన్‌ దర్శకత్వంలో తెరకెక్కిన ఈ సినిమాపై ముందు నుంచి భారీ అంచనాలు ఉన్నాయి. తొలి పోస్టర్‌ నుంచి టీజర్‌, ట్రైలర్‌ అన్నీ ఆసక్తికరంగా ఉండటంతో ధనుష్‌ అభిమానులు సినిమా సక్సెస్‌ మీద చాలా కాన్ఫిడెంట్‌గా ఉన్నారు. ఈ శుక్రవారం ప్రేక్షకుల ముందుకు వచ్చిన ఈ సినిమాకు ప్రేక్షకులు బ్రహ్మరథం పుడుతున్నారు. వెక్కై అనే నవల ఆధారంగా తెరకెక్కిన ఈ సినిమాలో ధనుష్‌ రాక్షసుడిలా ప్రవర్తించే శివస్వామిగా, అతని కొడుకుగా రెండు పాత్రలో నటించాడు. ఈ పాత్రల కోసం ధనుష్‌ చాలా కష్టపడ్డాడు. ముఖ్యంగా లుక్‌ విషయంలో చిత్రయూనిట్ తీసుకున్న జాగ్రత్తలు సినిమాకు ప్లస్ అయ్యాయన్న టాక్‌ వినిపిస్తోంది. Also Read: శుక్రవారం ప్రేక్షకుల ముందుకు వచ్చిన ఈ సినిమాకు తొలి షో నుంచి పాజిటివ్‌ టాక్‌ రావటంతో చిత్రయూనిట్ ఆనందంగా ఉన్నారు. ముఖ్యంగా సినిమాలో ధనుష్‌ నటనను ఆకాశానికి ఎత్తేస్తూ సోషల్‌ మీడియాలో ట్వీట్లు చేస్తున్నారు ఫ్యాన్స్‌. ఈ సినిమాలో ధనుష్‌ నటన అద్భుతమని.. ఈ పాత్రలకు నేషనల్‌ అవార్డు తప్పుకుండా వస్తుందని కామెంట్ చేస్తున్నారు. ధనుష్‌ ఈ సినిమాలో 20 ఏళ్ల కుర్రాడికి తండ్రిగా, యువకుడిగా రెండు పాత్రల్లో నటించాడు. ఆయన భార్యగా మలయాళ సీనియర్‌ నటి మంజువారియర్‌ నటిచింది. ఆమె నటించిన తొలి తమిళ చిత్రం ఇదే కావాటం విశేషం. ఓ ఆసామి కారణంగా ప్రమాదంలో పడిని తన కుటుంబానికి కాపాడుకోవటం కోసం శివస్వామి ఏం చేశాడు అన్నదే ఈ సినిమా కథ. Also Read: సంగీతపరంగానూ సినిమా సూపర్‌ అన్న టాక్‌ వినిపిస్తోది రథన్‌ అందించిన పాటలు నేపథ్య సంగీతం సినిమా మూడ్‌కు తగ్గట్టుగా సాగుతూ ఆడియన్స్‌ను ఆకాలంలోకి తీసుకెళ్తున్నాయి. ఈ సినిమాతో ధనుష్‌కు నేషనల్‌ అవార్డు గ్యారెంటీ అంటున్నారు ఫ్యాన్స్‌. మరి అభిమానులు ఆశించినట్టుగా ధనుష్‌ సక్సె్స్‌తో పాటు అవార్డులు కూడా సాధిస్తాడేమో చూడాలి.

By October 05, 2019 at 12:13PM

Read More https://telugu.samayam.com/telugu-movies/cinema-news/dhanushs-asuran-gets-a-thunderous-response/articleshow/71452071.cms