ఈ `సైకో` మరీ వైలెంట్‌గా ఉన్నాడే!

ఫిలిం ఇండస్ట్రీ ఒక్కో టైంలో ఒక్కో జానర్‌ సినిమాలు బాగా వస్తాయి. గతంలో కామెడీ, హీరో సెంట్రిక్‌, కామెడీ హారర్‌ ఇలా రకరకాల జానర్లు వెండితెర మీద సందడి చేశాయి. ఇటీవల బయోగ్రాఫికల్‌ ఫిలింస్‌ కూడా కొంత కాలం వెండితెరను ఏలాయి. తాజాగా దక్షిణాదిలో థ్రిల్లర్‌ సినిమాల ట్రెండ్ నడుస్తోంది. ముఖ్యంగా తమిళ ఇండస్ట్రీలో క్రైం థ్రిల్లర్లు వరుస విజయాలు సాధిస్తున్నాయి. అదే బాటలో రిలీజ్‌కు రెడీ అవుతున్న మరో ఇంట్రస్టింగ్ క్రైం థ్రిల్లర్‌ సైకో. కోలీవుడ్ యంగ్ హీరో ఉదయనిధి స్టాలిన్‌ హీరోగా నటిస్తున్న ఈ సినిమాలో నిత్యామీనన్‌, అదితిరావ్‌ హైదరీలు కీలక పాత్రల్లో నటిస్తున్నారు. పిశాచి, తుప్పారివాలన్‌ (తెలుగులో డిటెక్టివ్‌) సినిమాలను తెరకెక్కించిన మిస్కిన్‌ ఈ సినిమాకు దర్శకుడు. Also Read: తాజాగా ఈ సినిమా టీజర్‌ను లెజెండరీ దర్శకుడు మణిరత్నం చేతుల మీదుగా రిలీజ్ చేశారు. టీజర్‌లోనే సినిమాలో థ్రిల్లింగ్‌ ఎలిమెంట్స్‌ ఏ స్థాయిలో ఉండబోతున్నాయో చూపించారు. రక్తపాతం కాస్త ఎక్కువగా కానే కనిపించినా ఆ తరహా సినిమాలను ఇష్టపడేవారికి ఈ సినిమా బాగానే నచ్చుతుందన్న టాక్‌ వినిపిస్తోంది. Also Read: ఉదయనిధి స్టాలిన్‌ ఇంట్రస్టింగ్ క్యారెక్టర్‌లో కనిపిస్తున్న ఈ సినిమాలో నిత్యమీనన్‌, అదితిరావ్ హైదరీలు పోటి పడి నటించారు. ఇక టీజర్‌లో ఓ వ్యక్తిని వెనుక నుంచి న్యూడ్‌గా చూపించారు. ఈ సినిమాకు లెజెండరీ టెక్నిషియన్స్‌ పనిచేయటం విశేషం. ఇళయరాజ సంగీతం, పీసీ శ్రీరామ్‌ సినిమాటోగ్రఫి సినిమాకు ప్రత్యేక ఆకర్షణగా నిలవనున్నాయి. Also Read: సినిమా కాన్సెప్ట్ మాత్రమే కాదు ఈ సినిమా నిర్మాణ సంస్థ పేరు కూడా అంతే డిఫరెంట్‌గా ఉంది. ఈ సినిమాను డబుల్‌ మీనింగ్ ప్రొడక్షన్‌ అనే బ్యానర్‌పై అరుణ్‌ మోలి మాణిక్యం నిర్మిస్తున్నారు. ప్రస్తులం నిర్మాణానంతర కార్యక్రమాలు జరుపుకుంటున్న ఈ సినిమాను త్వరలో రిలీజ్ చేసేందుకు ప్లాన్‌ చేస్తున్నారు.

By October 26, 2019 at 01:07PM

Read More https://telugu.samayam.com/telugu-movies/cinema-news/udhyanidhi-stalin-mysskins-psycho-teaser-is-out/articleshow/71772247.cms