Saaho Worldwide Collection: రూ.400 కోట్లు.. ఇదీ ప్రభాస్ స్టామినా
పాన్ ఇండియా స్టార్‌గా మారిన మన రెబల్ స్టార్ తన స్టామినా ఏంటో నిరూపిస్తున్నారు. ‘సాహో’ సినిమాపై ఎంత నెగిటివ్‌గా ప్రచారం జరిగినా తన కోసం ప్రేక్షకులు థియేటర్లకు వస్తారని నిరూపిస్తున్నారు. టాలీవుడ్ సహా బాలీవుడ్, కోలీవుడ్, మాలీవుడ్‌లో సినీ విమర్శకులంతా ‘సాహో’ సత్తాలేని సినిమా అంటూ తేల్చేశారు. కానీ, ‘సాహో’పై ఉన్న అంచనాలు, ప్రభాస్‌పై ప్రేక్షకులకు ఉన్న అభిమానం ఆ సినిమాను బతికించాయి. ప్రపంచ వ్యాప్తంగా ‘సాహో’ రూ.400 కోట్ల గ్రాస్ వసూలు చేసినట్టు చిత్ర నిర్మాణ సంస్థ యూవీ క్రియేషన్స్ ప్రకటించింది. ఈ మేరకు ఒక పోస్టర్‌ను విడుదల చేసింది. ‘ఇంత కన్నా ఎక్కువ మీరు ఊహించగలరా’ అంటూ ట్వీట్ చేసింది. అయితే, ప్రేక్షకులు మాత్రం ఇది సరిపోదు అంటున్నారు. రూ.350 కోట్లు పెట్టి తీసిన సినిమాకు కనీసం రూ.500 కోట్లయినా గ్రాస్ రావాలి అంటున్నారు. చూద్దాం ఈ సినిమా కంప్లీట్ రన్‌లో ఎంత వసూలు చేస్తుందో..! నిజానికి ‘సాహో’కు ఈ రేంజ్ కలెక్షన్స్ రావడంలో బాలీవుడ్ కంట్రిబ్యూషన్ కూడా ఎక్కువే. ఈ చిత్రం తెలుగు రాష్ట్రాల్లో ఎంత వసూలు చేసిందో దానికి సమానంగానే బాలీవుడ్ బాక్సాఫీసు వద్ద కూడా రాబట్టింది. మొదటి వారం రోజుల్లో ‘సాహో’ రూ.370 కోట్ల గ్రాస్ వసూలు చేస్తే ఇందులో బాలీవుడ్ నుంచే రూ.116 కోట్లు వచ్చాయి. 10 రోజుల్లో ప్రపంచ వ్యాప్తంగా రూ.400 కోట్లకు పైగా గ్రాస్ వసూలు చేస్తే దానిలో రూ.130 కోట్లు బాలీవుడ్ నుంచి వచ్చాయి. అంటే, ప్రభాస్‌కు హిందీలో ఫ్యాన్ ఫాలోయింగ్ విపరీతంగా పెరిగినట్టే. సినిమా టాక్‌తో సంబంధం లేకుండా హిందీ ప్రేక్షకులు ప్రభాస్‌ను ఆదరిస్తున్నారు. Also Read: ఇదిలా ఉంటే, ‘సాహో’ థియేట్రికల్ రైట్స్‌ను ప్రపంచ వ్యాప్తంగా దాదాపు రూ.290 కోట్లకు విక్రయించినట్లు ఇండస్ట్రీ నుంచి వచ్చే సమాచారం. ప్రస్తుతానికి ప్రపంచ వ్యాప్తంగా రూ. 230 కోట్లకు పైగా షేర్ వసూలైందని అంటున్నారు. అంటే, ‘సాహో’ అసలు మొత్తం రికవరీ చేయాలంటే ఇదే ఊపు మరికొద్ది రోజులు కొనసాగాలి. లాభాల బాట పట్టకపోయినా కనీసం అసలైన వసూలు చేస్తే సినిమా యావరేజ్‌గా చెప్పుకోవచ్చు. సినిమా లాభాల విషయం ఎలా ఉన్నా.. సౌత్ నుంచి వచ్చిన ఒక హీరో వరుసగా తన రెండు సినిమాలతో రూ.400 కోట్లకు పైగా గ్రాస్ వసూలు చేయడం అంటే మాటలు కాదు. అందుకే, ఇదీ రెబల్ స్టార్ స్టామినా అంటున్నా ఫ్యాన్స్.
By September 09, 2019 at 12:33PM
No comments