మూడో సినిమాను ప్రకటించిన ‘RX 100’ దర్శకుడు.. మరి రెండోది?
రామ్ గోపాల్ వర్మ కాంపౌండ్ నుంచి వచ్చి ‘RX 100’ సినిమాతో బ్లాక్ బస్టర్ హిట్ అందుకున్నారు డైరెక్టర్ . కొత్త హీరో, కొత్త హీరోయిన్, కొత్త దర్శకుడు, కొత్త నిర్మాత.. అంతే కొత్తే అయినప్పటికీ తన టాలెంట్‌తో అదిరిపోయే మార్కెట్ చేశారు అజయ్. ఈ ఒక్క సినిమాతో ఆయన క్రేజీ డైరెక్టర్ అయిపోయారు. ఇంత మంచి సినిమా అందించిన డైరెక్టర్ తరవాత స్టార్ హీరోతో సినిమా చేయడం ఖాయమని అంతా అనుకున్నారు. అందరూ అనుకున్నట్టే అజయ్ భూపతి కూడా ‘మహా సముద్రం’ అనే స్క్రిప్ట్‌ను సిద్ధం చేసుకుని స్టార్ హీరోల వద్దకు వెళ్లారు. రామ్, నితిన్, బెల్లంకొండ శ్రీనివాస్, నాగచైతన్యలకు వరుసగా ఈ స్క్రిప్ట్‌ను అజయ్ భూపతి వినిపించారు. వారంతా ఈ సినిమా చేయలేమని చెప్పేశారు. ఇదే స్క్రిప్ట్‌ను ఆ తరవాత మాస్ మహారాజా రవితేజకు అజయ్ వినిపించారు. ఆయన ముందు చేస్తానని చెప్పి పలు కారణాలతో మళ్లీ చేయనని అజయ్‌కు చెప్పేశారట. దీంతో అజయ్ కాస్త అసహనానికి గురయ్యారు. Also Read: దీనికి తోడు, ‘మహా సముద్రం’ సినిమాను భవ్య క్రియేషన్స్ బ్యానర్‌లో అజయ్ భూపతి చేయాల్సి ఉంది. వాళ్ల దగ్గర నుంచి అజయ్ అడ్వాన్స్ కూడా తీసుకున్నారట. రవితేజ ఈ సినిమా నుంచి తప్పుకోవడంతో అజయ్‌పై నిర్మాత ఒత్తిడి తెచ్చినట్లు సమాచారం. అడ్వాన్స్ తిరిగి ఇచ్చేయాలని ఒత్తిడి చేశారట. ఈ నేపథ్యంలో ‘మహా సముద్రం’ను పక్కనబెట్టి ఇదే బ్యానర్‌లో మరో సినిమా చేయడానికి అజయ్ అంగీకరించినట్లు తెలిసింది. అయితే, తాజాగా అజయ్ భూపతితో భవ్య క్రియేషన్స్ సినిమా చేస్తున్నట్టు అధికారికంగా ప్రకటించింది. అజయ్ మూడో సినిమాను తాము ప్రొడ్యూస్ చేస్తున్నట్టు భవ్య క్రియేషన్స్ ట్వీట్ చేసింది. అంటే, ముందు వచ్చిన వార్తలు నిజమేనన్న మాట. తన ‘మహా సముద్రం’ స్క్రిప్టును పక్కన పెట్టడం ఇష్టంలేని అజయ్.. మూడో సినిమాను భవ్య క్రియేషన్స్‌లో చేయడానికి అంగీకరించారని అర్థమవుతోంది. ఈ సినిమాలో ఎనర్జిటిక్ స్టార్ రామ్ హీరోగా నటిస్తారనే టాక్ కూడా నడుస్తోంది. మరి, మూడో సినిమాను మొదలుపెడుతోన్న అజయ్ భూపతి తన రెండో సినిమాను ఎప్పుడు చేస్తున్నట్టు. వాస్తవానికి ఈ సినిమా కోసం తానే హీరోగా మారుతున్నారని ఇప్పటికే వార్తలు వచ్చాయి. అలా అయితే ఈ సినిమాను ప్రొడ్యూస్ చేసేది ఎవరు? నిజంగా ఆయనకు హీరోగా చేసే ఉద్దేశం ఉందా.. లేకపోతే మరో స్టార్ హీరోకి ఈ కథను చెప్తారా? ఇలాంటి ప్రశ్నలన్నింటికీ కాలమే సమాధానం చెప్పాలి.
By September 13, 2019 at 12:41PM
No comments