నిజామాబాద్ యువతి కిడ్నాప్ కథ సుఖాంతం... తెలిసినోడే కదాని కారెక్కితే
జిల్లాలోని దర్పల్లి మండలం దుబ్బాక గ్రామ సమీపంలో శనివారం(సెప్టెంబర్ 28) జరిగిన యువతి సుఖాంతమైంది. శనివారం మధ్యాహ్నం పొలం వద్ద పశువులు మేపుతున్న యువతి(18)ని ఓ వ్యక్తి కారులో ఎక్కించుకుని అపహరించారు. అయితే యువతి అదేరోజు రాత్రి నిజామాబాద్ బస్టాండ్ సమీపంలో కిడ్నాపర్ల చెర నుంచి తప్పించుకున్నట్లు పోలీసులు తెలిపారు. Also Read: దుబ్బాకలో వరి కోత మిషన్ పని చేసే నగేశ్తో యువతికి గతంలోనే పరిచయం ఉంది. శనివారం మధ్యాహ్నం పొలం వద్ద పశువులను మేపుతున్న యువతి వద్దకు వచ్చిన నగేశ్ అలా తిప్పుతానని చెప్పి ఆమెను కారులో ఎక్కించుకున్నాడు. దూరం చూస్తున్న ఆమె తల్లి తన కూతురిని ఎవరో కిడ్నాప్ చేశారని అనుకుని వెంటనే పోలీసులకు ఫిర్యాదు చేసింది. దీంతో పోలీసులు అప్రమత్తమైన జిల్లా వ్యాప్తంగా తనిఖీలు చేపట్టారు. Also Read: అయితే యువతిని మాయమాటలతో కారు ఎక్కించుకున్న నగేశ్ ఆమెను నిజామాబాద్ పట్టణానికి తీసుకొచ్చాడు. బస్టాండ్ సమీపంలో ఏదో కీడు శంకించిన ఆ యువతి కారు దిగి తప్పించుకుంది. ఆమె పోలీసులను తీసుకొస్తుందేమోనని భయపడిన నిందితుడు అదే కారులో పారిపోయాడు. కొంతదూరం వెళ్లాక కారు ఆగిపోవడంతో ఇందల్వాయి పోలీస్స్టేషన్లో లొంగిపోయాడు. ఈలోగా యువతిని అదుపులోకి తీసుకున్న పోలీసులు సఖి కేంద్రానికి తరలించి వివరాలు ఆరా తీశారు. తెలిసిన వాడే కదా అని కారు ఎక్కితే తనను బలవంతంగా నిజామాబాద్ తీసుకొచ్చాడని, రాత్రివేళ ఏదైనా అఘాయిత్యానికి పాల్పడతాడేమోనన్న ఆందోళనతో కారు దిగి తప్పించుకున్నట్లు ఆమె పోలీసులకు చెప్పింది. యువతికి వైద్య పరీక్షలు చేసిన తర్వాత ఆమె తల్లిదండ్రులకు అప్పగించారు. Also Read: వేగంగా స్పందించిన పోలీసులు యువతి కిడ్నాప్ వార్త తెలియగానే నిజామాబాద్ జిల్లా పోలీసులు వేగంగా స్పందించారు. ధర్పల్లి, సిరికొండ, ఇందల్వాయి టోల్గేట్, జక్రాన్పల్లి, భీంగల్తోపాటు నిజామాబాద్ జిల్లా వ్యాప్తంగా వాహన తనిఖీలు చేపట్టారు. అన్ని పోలీస్స్టేషన్ పరిధిలోని హోటళ్లు, లాడ్జిలు, రైల్వేస్టేషన్లు, బస్టాండ్లలో గాలించారు. ఆదివారం తెల్లవారుజామున నిజామాబాద్ బస్టాండ్లో దీనంగా ఉన్న యువతిని గుర్తించి పోలీసులు స్టేషన్కు తరలించారు. నిందితుడిపై లైంగిక దాడికి యత్నం, కిడ్నాప్ కేసుల కింద కేసు నమోదు చేసినట్లు పోలీసులు తెలిపారు. Also Read:
By September 30, 2019 at 11:21AM
No comments