‘నిశ్శబ్దం’ ఫస్ట్ లుక్: సాక్షి.. ఎ మ్యూట్ ఆర్టిస్ట్
కేవలం గ్లామరస్ రోల్స్ మాత్రమే కాకుండా ప్రాధాన్యత ఉన్న పాత్రలు ఎంపిక చేసుకుంటోన్న నటి అనుష్క శెట్టి. అనుష్క ఒక సినిమా అంగీకరించారంటే దానిలో కచ్చితంగా ఏదో ప్రత్యేకత ఉంటుంది. గత కొద్ది సంవత్సరాలుగా ఆమె చేసిన పాత్రలన్నీ ఎంతో ప్రత్యేకమైనవే. ‘అరుంధతి’, ‘బాహుబలి’, ‘రుద్రమదేవి’, ‘సైజ్ జీరో’, ‘భాగమతి’ చిత్రాల్లో అనుష్క చేసిన పాత్రలు.. ఆమె మిగిలిన హీరోయిన్లకు విరుద్ధం అని నిరూపిస్తాయి. కొన్ని పాత్రలు ఆమె కోసమే పుట్టినట్టు ఉంటాయి. అలాంటి పాత్రనే మరొకటి ఇప్పుడు అనుష్క పోషించారు. అనుష్క ప్రధాన పాత్రల్లో తెరకెక్కుతోన్న తాజా చిత్రం ‘నిశ్శబ్దం’. హేమంత్ మధుకర్ దర్శకత్వం వహిస్తున్నారు. పీపుల్స్ మీడియా ఫ్యాక్టరీ, కోనా ఫిల్మ్ కార్పోరేషన్ బ్యానర్లపై టీజీ విశ్వప్రసాద్, కోన వెంకట్ నిర్మిస్తున్నారు. గోపీ సుందర్ సంగీతం సమకూరుస్తున్నారు. ఈ సినిమాను మొత్తం ఐదు భాషల్లో ఏక కాలంలో తెరకెక్కిస్తున్నారు. తెలుగుతో పాటు హిందీ, తమిళం, మలయాళం, ఇంగ్లిష్ భాషల్లో ఈ సినిమా నిర్మితమవుతోంది. ఇంగ్లిష్‌లో ‘సైలెన్స్’ అనే టైటిల్‌తో వస్తోంది. ‘నిశ్శబ్దం’ ఫస్ట్ లుక్‌ను బుధవారం విడుదల చేశారు. మొత్తం ఐదు భాషలకు సంబంధించిన పోస్టర్లను ఒకేసారి రిలీజ్ చేశారు. ఈ సినిమాలో అనుష్క పాత్ర పేరు సాక్షి. మూగ అమ్మాయి. కానీ, గొప్ప చిత్రకారిణి. ఈ పాత్రను ఇప్పుడు ప్రేక్షకులకు పరిచయం చేశారు. పోస్టర్‌లో అనుష్క లుక్ చాలా బాగుంది. కొత్తగా ఉంది. ముఖ్యంగా సన్నగా నాజూకుగా ఉంది. ఈ లుక్‌లో కూడా అనుష్క బొమ్మ గీస్తూనే కనిపించింది. ఫస్ట్‌లుక్‌ను ట్విట్టర్‌లో పోస్ట్ చేసిన కోనా ఫిల్మ్ కార్పోరేషన్.. ‘‘ఆమె బొమ్మ మాట్లాడుతుంది.. కానీ, ఆమె మాట్లాడలేదు’’ అని పేర్కొంది.
By September 11, 2019 at 11:51AM
No comments