యువతితో స్వామీజీ సరస సంభాషణ, ఆడియో వైరల్.. నిజమేనా?!
ఓ యువతితో ఫోన్‌లో మఠాధిపతి ప్రేమ సంభాషణ సాగించినట్టు సోషల్ మీడియాలో దీనికి సంబంధించిన ఆడియో క్లిప్పింగ్‌లు వైరల్ అవుతున్నాయి. కర్ణాటకలోని యాదగిరి జిల్లా పీఠాధిపతి స్వామీజీ విద్యావారధి తీర్థ.. ఓ యువతితో ప్రేమ సంభాషణలు సాగించినట్టు భావిస్తోన్న క్లిప్పింగ్‌లు గత రెండు రోజులుగా హల్ చల్ చేస్తున్నాయి. సదరు యువతితో ఆయన సన్నిహితంగా మాట్లాడటం, ఇద్దరం సహకరించుకుందామని చెప్పడం, ఎవరికీ అనుమానాలు రాకుండా భక్తురాలి రూపంలో రావాలని సూచించడం లాంటి సంభాషణలు వెలుగుచూశాయి. తరచూ మఠానికి వచ్చే ఆ యువతితో స్వామీజీకి పరిచయం పెరిగిందని, ఆ తర్వాత అది ప్రేమగా మారిందని ప్రచారం సాగుతోంది. Read Also: అయితే, స్వామీజీకి సన్నిహితులే ఈ కుట్రకు పాల్పడినట్టు తెలుస్తోంది. దీని వెనుక భారీ కుట్రే ఉందని, వాట్సాప్‌లోని ఫొటోలను చూపించకుండా జాగ్రత్త పడిందని చెబుతున్నారు. స్వామీజీని కోటి రూపాయలు డిమాండ్ చేసినట్టు సమాచారం. కాగా, ఈ ప్రచారంపై స్వామీజీ ఆవేదన వ్యక్తం చేశారు. తనపై వస్తున్న ఆరోపణలు రుజువయ్యేంత వరకు మఠాధిపతిగా కొనసాగనని పేర్కొన్నారు. ధ్యానంలోకి వెళ్తానని ప్రకటించారు. తనకు ఏం పాపం తెలియదని, కుట్రపూరితంగా తనను ఇరికించారని వ్యాఖ్యానించారు. Read Also: మొబైల్‌ను ఎప్పుడూ తనవద్ద ఉండదని, తన శిష్యుల వద్దే ఉంటుందని అన్నారు. ప్రముఖులు ఎవరైనా కాల్ చేసిన సమయంలో తనకు వారే తీసుకొచ్చి ఇస్తారని స్వామీజీ తెలిపారు. అంతేకాదు, ఆ మహిళ ఎవరో కూడా తనకు తెలియదని, క్లిప్పింగ్స్‌లో వాయిస్ కూడా తనది కాదన్నారు. కొద్ది రోజులు మఠం కార్యకలాపాలకు దూరంగా ఉంటానని, దీనిపై అధికారులు విచారణ జరిపించాలని పీఠాధిపతి డిమాండ్ చేశారు. Read Also: హునాసిహోలి గ్రామంలోని కణ్వమఠాధిపతినని, తాను చతుర్మాస దీక్షలో ఉన్నానని, మరో 40 రోజులు వ్రతం కొనసాగుతుందని సోషల్ మీడియాలో వైరల్ అవుతున్న ఆడియో క్లిప్‌‌లో వినబడుతోంది. ఈ స్థలాన్ని తరచూ సందర్శిస్తానని చెప్పినట్టు ఉంది. అయితే, విద్యావారధి తీర్థ చతుర్మాస దీక్షను యలహంకలో చేపట్టారని, అది ఇటీవలే ముగిసినట్టు విచారణలో తేలింది. తనను కలవాలని, అన్ని విషయాల్లో నీకు సహకరిస్తానని స్వామీజీ చెప్పినట్టు ఆడియో క్లిప్పులో వినిపిస్తున్నాయి.
By September 19, 2019 at 01:02PM
No comments