నాగార్జున కొత్త టాట్టూ.. అర్థమేంటో తెలుసా?

కొత్త టాట్టూ ఫొటోలు వైరల్ అవుతున్నాయి. ఆయన తన ఎడమ చేతికి పాము ఆకారంలో ఉండే టాట్టూను వేయించుకున్నారు. నాగ్ టాట్టూ వేయించుకున్న విషయం ఆయన వ్యాఖ్యాతగా వ్యవహరిస్తున్న బిగ్ బాస్ రియాల్టీ షోలో బయటపడింది. నేచురల్ స్టార్ నాని ఇటీవల బిగ్ బాస్‌కు అతిథిగా విచ్చేసిన సంగతి తెలిసిందే. అప్పుడు నాగ్ చేతికి ఉన్న టాట్టూను చూసి దాని గురించి ఆరా తీశారు. ఆ టాట్టూలో ఓ అర్థం కూడా దాగి ఉంది. జీవితంలో సంతోషం, జ్ఞానం పెంపొందించుకోవడం, ఇన్నొవేషన్ అనేవి ఎప్పుడూ మన ఆలోచనల్లో టాప్ స్థానంలో ఉండాలన్నది ఆ టాట్టూ అర్థమట. ఇప్పటికే నాగ్ కుడి చేతి బైసెప్ వద్ద సూర్యుడి ఆకారంలో ఓ టాట్టూ ఉంది. తాజాగా ఆయన వేసుకున్న టాట్టూను సావియో డిసిల్వ అనే ఆర్టిస్ట్ వేశారట. మరో విషయం ఏంటంటే.. ఆయన నాగు పాము ఆకారాన్ని వేయించుకోవడం వెనుక ఓ కథ ఉంది. అక్కినేని వారసుల పేర్లలో ‘నాగ్’ అనేది కామన్‌గా ఉంటుంది. అక్కినేని కుటుంబంలో నాగేశ్వరరావు, నాగార్జున, నాగ సుశీల, నాగచైతన్య.. వీరి పేర్లకు ముందు ‘నాగ్‌’ కామన్‌గా ఉంటుంది. అయితే ఎందుకు నాగ్‌ వచ్చేలా తమ పేర్లను పెట్టారో ఓసారి నాగార్జున వెల్లడించారు. ‘నాన్న (నాగేశ్వరరావు) నాన్నమ్మ కడుపులో ఉన్నప్పుడు రోజూ కలలో నాగుపాము వచ్చేదట. అది పెద్ద పాము కాదు.. నాగుపాము పిల్ల. నాన్న పుట్టిన తర్వాత ఇంకా పేరు కూడా పెట్టలేదు, ఓ రోజు పాలు ఇస్తున్నప్పుడు నాగుపాము పిల్ల మళ్లీ నాన్నమ్మకు కనిపించిందట. అందుకని నాగేశ్వరరావు అని పెట్టారు. ఆ తర్వాత అది నాకు, నా సోదరికి (నాగ సుశీల).. అందరికీ కొనసాగింది. నాగచైతన్య పుట్టిన తర్వాత నేను చైతన్య అని పేరు పెట్టాను. అమ్మ పిలిచి మరీ చెప్పింది.. నాగ్‌ జత చేయమని’ అని నాగార్జున పేర్కొన్నారు. ఇక వర్క్ విషయానికొస్తే ఆయన నటించిన ‘మన్మథుడు 2’ సినిమా బాక్సాఫీస్ వద్ద ఫ్లాప్ అయింది. ప్రేక్షకుల అంచనాలను అందుకోలేపోయింది. దీంతో ఇప్పుడు ఆయన బిగ్‌బాస్ షోపైనే ఫోకస్ చేస్తున్నారు.

By September 10, 2019 at 09:05AM

Read More https://telugu.samayam.com/telugu-movies/cinema-news/king-akkineni-nagarjuna-gets-new-tattoo-on-his-left-hand-do-you-know-the-meaning-hidden-in-it/articleshow/71058855.cms