నర్సుకు మత్తు మందిచ్చి డాక్టర్, కాంపౌండర్ గ్యాంగ్ రేప్
రోగులకు వైద్యం చేసి వారి ప్రాణాలు నిలబెట్టే గౌరవ ప్రదమైన వృత్తిలో ఉన్న డాక్టర్ కీచకుడిగా పనిచేశాడు. తన దగ్గర పనిచేసే నర్సుపై కాంపౌండర్ చేశాడని తెలుసుకుని నిందితుడిపై చర్యలు తీసుకోకుండా తానుకూడా ఆమెపై అఘాయిత్యానికి పాల్పడ్డాడు. అంతటితో ఆగకుండా తన సోదరుడితో కూడా ఆమెపై అత్యాచారం చేయించాడు. మూడు నెలలుగా ఆ ముగ్గురు కామాంధుల చేతిలో నరకం అనుభవించిన బాధితురాలు సహనం నశించి పోలీసులకు ఫిర్యాదు చేయడంతో వారి అరాచకం వెలుగులోకి వచ్చింది. Also Read: రాజస్థాన్‌లోని బర్మర్ జిల్లాలోని ఓ పట్టణంలో ఓ ఆస్పత్రిలో అశోక్ అనే వ్యక్తి కాంపౌండర్‌గా పనిచేస్తున్నాడు. తనతో పనిచేసే నర్సులపై తరుచూ లైంగిక వేధింపులకు పాల్పడి లొంగదీసుకునేందుకు ప్రయత్నించేవాడు. అతడికి డాక్టర్ల మద్దతు ఉండటంతో బాధితులు ఈ విషయం బయటకు చెప్పేవారు కాదు. కొద్ది నెలల క్రితం అదే ఆస్పత్రిలో పనిచేస్తున్న వివాహితపై అతడి కన్ను పడింది. ఓ రోజు నైట్ డ్యూటీలో ఉన్న ఆమెతో మాట కలిపి జ్యూస్ ఇచ్చాడు. అది తాగగానే ఆమె మత్తులోకి జారుకుంది. ఆ తర్వాత ఆమెను గదిలోకి తీసుకెళ్లి అత్యాచారం చేసి వీడియో తీశాడు. ఈ విషయాన్ని ఎవరికైనా చెబితే వీడియో బయటపెడతానని బెదిరించి అనేకసార్లు ఆస్పత్రిలో ఆమెపై అత్యాచారం చేశాడు. Also Read: కొద్దిరోజుల తర్వాత ఆ వీడియో డాక్టర్ సురేంద్ర మహర్షికి చేరడంతో అతడు కూడా బాధితురాలిని బెదిరించి అత్యాచారం చేశాడు. ఈ విషయం తెలుసుకున్న సురేంద్ర సోదరుడు కూడా అనేకసార్లు ఆస్పత్రికి వస్తూ నర్సుపై లైంగిక దాడికి పాల్పడేవాడు. సుమారు ఏడాది నుంచి ఆ ముగ్గురి కామ దాహానికి బాధితురాలు బలైపోయింది. వారి బారి నుంచి ఎలాగైనా తప్పించుకోవాలని ధైర్యం చేసిన బాధితురాలు ఆగస్టు 16న డాక్టర్ సురేంద్రను కలిసి వీడియో డిలీట్ చేయాలని, తనపై వేధింపులకు పుల్‌స్టాప్ పెట్టాలని కోరింది. దీంతో తాను చెప్పినట్లు వినకపోతే ఉద్యోగం నుంచి తొలగిస్తానని ఆమెను బెదిరించాడు. దీంతో బాధితురాలు ఇంటికి వెళ్లి తనపై జరుగుతున్న దారుణాన్ని కుటుంబసభ్యులకు వివరించింది. వారి సాయంతో పోలీసులకు ఫిర్యాదు చేసింది. ఆ ముగ్గరిపై కేసు నమోదు చేసుకున్న పోలీసులు పరారీలో ఉన్న నిందితుల కోసం గాలింపు చేపట్టారు. రెండ్రోజుల క్రితమే వారిని అరెస్ట్ చేసి రిమాండ్‌కు తరలించారు. Also Read:
By September 24, 2019 at 01:21PM
No comments