ఒంటరిగా ఆటో ఎక్కిన యువతి.. ఫ్రెండ్స్‌తో కలిసి డ్రైవర్ గ్యాంగ్ రేప్

ఉత్తర్‌ప్రదేశ్‌ రోజురోజుకీ నేరాలకు కేరాఫ్ అడ్రస్‌గా మారిపోతోంది. నిత్యం ఏదొక చోట మహిళలపై అత్యాచారాలు, దాడులు జరుగుతూనే ఉన్నాయి. తాజాగా ఒంటరిగా బంధువుల ఇంటికి వెళ్తున్న ఓ యువతిని తన స్నేహితులతో కలిసి సామూహిక అత్యాచారానికి పాల్పడ్డాడు. Also Read: ముజఫర్‌నగర్‌కు చెందిన ఓ యువతి లక్నోలో తమ బంధువుల ఇంటికి బయలుదేరింది. శనివారం సాయంత్రం రైల్వేస్టేషన్‌ చేరుకుంది. అయితే అక్కడికి తొలిసారి రావడంతో ఎటు వెళ్లాలో తెలియక ఓ ఆటోడ్రైవర్‌కు అడ్రస్ చెప్పి తీసుకెళ్లమని కోరింది. యువతి తొలిసారి లక్నో వచ్చిందని తెలుసుకున్న ఆ డ్రైవర్ ఆమెపై కన్నేశాడు. ఆ అడ్రస్‌కు తాను తీసుకెళ్తానని నమ్మించి ఆమెను ఆటో ఎక్కించుకున్నాడు. అన్ని దారులు తిప్పుతూ రాత్రివేళ ఓ నిర్మానుష్య ప్రాంతానికి తీసుకెళ్లి ఆటో ఆపాడు. ఆటో రిపేరుకు వచ్చిందని, మెకానిక్‌ను తీసుకొస్తానని చెప్పి కొంతదూరం వెళ్లి అక్కడి నుంచి తన ఫ్రెండ్స్‌కు ఫోన్ చేశాడు. Also Read: నిమిషాల వ్యవధిలో అక్కడికి చేరుకున్న ఇద్దరు వ్యక్తులు యువతిని ఆటోలోనే నిర్బంధించారు. ఆమె ప్రతిఘటించేందుకు ప్రయత్నించినా వీలుకాలేదు. దీంతో వారు సమీపంలోని పాడుబడిన బంగ్లాకు ఆమెను తీసుకెళ్లి సామూహిక అత్యాచారానికి పాల్పడ్డారు. తర్వాత ఆమెను ఆటోలో ఎక్కించుకుని రోడ్డు పక్కన వదిలేసి వెళ్లిపోయారు. అపస్మారక స్థితిలో పడివున్న బాధితురాలిని కొందరు స్థానికులు పోలీసులకు సమాచారం ఇచ్చారు. దీంతో వారు అక్కడికి చేరుకుని యువతిని ఆస్పత్రికి తరలించారు. కోలుకున్న తర్వాత బాధితురాలి నుంచి వాంగ్మూలం తీసుకుని కేసు నమోదుచేశారు. లక్నో రైల్వేస్టేషన్ వద్ద సీసీ కెమెరాల్లో రికార్డయిన పుటేజీ ఆధారంగా ఆటోడ్రైవర్‌ని అరెస్ట్ చేశారు. అతడిచ్చిన ఆధారాలతో మరొక నిందితుడిని కూడా అదుపులోకి తీసుకున్నారు. పరారీలో ఉన్న మరొక నిందితుడి కోసం గాలిస్తున్నట్లు లక్నో పోలీసులు తెలిపారు. Also Read:

By September 23, 2019 at 10:42AM

Read More https://telugu.samayam.com/latest-news/crime/young-woman-gang-raped-by-auto-driver-and-his-friends-in-lucknow/articleshow/71253705.cms