FACT CHECK: కాశ్మీర్‌లోని మసీదులు కేంద్రం ఆధీనంలో ఉన్నాయా?
విషయం తాజాగా ఆర్టికల్ 370ని రద్దుచేయడంతో జమ్మూకాశ్మీర్ రాష్ట్రానికి ఉన్న స్వయం ప్రతిపత్తిని కోల్పోయింది. కేంద్ర ప్రభుత్వం జమ్మూ కాశ్మీర్‌ను తమ ఆధీనంలోకి తెచ్చుకుందని ప్రచారం జరుగుతోంది. ఈ రాష్ట్రంలోని అన్ని మసీదులు కేంద్రం గుప్పిట్లో ఉన్నాయని, పూర్తి నియంత్రణ ఉందని మెస్సేజ్‌లు చక్కర్లు కొడుతున్నాయి. కాశ్మీర్‌లో ఇలాగే జరుగుతుందా తెలపాలంటూ 8527001433 నుంచి టైమ్స్ ఫ్యాక్ట్ చెక్ టీమ్‌కు మెస్సేజ్ వచ్చింది. నిజం ఈ ఫొటోలకు వైరల్ అవుతున్న వదంతులకు ఏ సంబంధం లేదు. గతంలో తీసిన ఫొటోలతో ఇప్పుడు దుష్ప్రచారం చేస్తున్నారు. పరిశీలన ఫొటో 1 దీనిపై రివర్స్ ఇమేజ్ సెర్చ్ చేయగా సోషల్ మీడియా (ట్విట్టర్, ఫేస్ బుక్, వాట్సాప్, ఇన్‌స్టాగ్రామ్)లలో ఈ ఫొటో వైరల్ అయినట్లు కనిపించింది. వాస్తవానికి ఈ ఫొటో డిసెంబర్ 10, 2018న పోస్ట్ అయింది. అంటే ఆర్టికల్ 370 రద్దుకు, ప్రస్తుతం వైరల్ అవుతున్న విషయానికి ఈ ఫొటోకు సంబంధమే లేదు. ఫొటో 2 స్టేట్స్‌మన్ న్యూస్ వెబ్ సైట్ 4 మయన్మార్ సిటిజెన్స్ అరెస్టెడ్ ఇన్ షామ్లీ అనే కథనం పోస్ట్ చేసింది. జులై 29, 2016లో ఇది జరిగింది. దీనిపై షామ్లీ పోలీసులు చేసిన ట్వీట్ చూస్తే అసలు విషయం తెలుస్తుంది. ఫొటో 3 పై ఫొటోపై రివర్స్ ఇమేజ్ సెర్చ్ చేస్తే.. మార్చి 2, 2016న గుజరాత్‌ ఘటన ఫొటోలు దర్శనమిస్తున్నాయి. రాజ్‌కోట్‌లో ఆయుధాలు స్వాధీనం చేసుకుని ఐదుగురు నిందితులను పోలీసులు అరెస్ట్ చేసినట్లు ట్వీట్ ఉండటం గమనార్హం. రాజ్‌కోట్-అహ్మదాబాద్ హైవే సమీపంలో అక్రమ ఆయుధాల ముఠా గుట్టురట్టు చేసినట్లు ట్వీట్ సారాశం. గుజరాత్‌లోని మసీదులో అక్రమ ఆయుధాల వ్యాపారం అని దుష్ర్పచారం చేసిన ఘటనలోనూ ఇవే ఫొటోలు దర్శనమిచ్చినట్లు టైమ్స్ ఫ్యాక్ట్ చెక్ టీమ్ గుర్తించింది. జమ్మూకాశ్మీర్‌లోని మసీదులను కేంద్ర ప్రభుత్వం తమ ఆధీనంలోకి తీసుకున్నట్లు ఎలాంటి అధికారిక ప్రకటన గానీ, ఏ వార్త పత్రికలు, వెబ్ సైట్లలోనూ కనిపించక పోవడం గమనార్హం. నిర్ధారణ గతంలో తీసిన కొన్ని ఫొటోలను కొందరు నెటిజన్లు షేర్ చేస్తూ కాశ్మీర్‌లోని మసీదులలో ఆయుధాలు దొరికాయని, దాంతో మసీదులను కేంద్ర ప్రభుత్వం తమ ఆధీనంలోకి తీసుకుందని దుష్ప్రచారం చేస్తున్నారని టైమ్స్ ఫ్యాక్ట్ చెక్ టీమ్ వెల్లడించింది.
By August 08, 2019 at 01:02PM
No comments